توصلون بالسلامة
توجد اماكن كثيرة في لندن تستحق الزيارة
1- الهايد بارك
2- الاكسفورد استريت
3- الرجنت بارك
4- الهارودز
5- متاحف لندن
هذا خريطة سياحية ايضا
https://artravelers.com/p/re/199757
رحلة سعيدة

مشكور اخوي على هذى المعلومات الطيبة
بس ودي ببرنامج كامل يعني ايش اللي اروح له اول ايش الاماكن القريبة من بغض يعني زي كذا
اكرر شكري مرة ثانيه

منطقة Paddington قريبة من الشارع العرب اجولرود والهايد بارك والاكسفورد استريت
ممكن تفطر في الفندق او في شارع العرب وبعدين لفة في الاكسفورد حتى العصر وبعدها تروح الهايد بارك حتى المغرب
اليوم الثاني ممكن تكون زيارة الى متاحف لندن او لندن اي على النهر وتتمشاء شوي جنب النهر منظر جميل ويوجد موضوع للاخ القطري برنامج سياحي لمدة 15 يوم
ممكن اتشوف 3 ايام تناسبك من الموضوع
https://artravelers.com/p/re/257584

لردي :
اهم الاماكن السياحيه ::::::
لندن اي
جنبها الاكواريوم
جنبهم : لندن داك تاور : و هو عباره عن سياره تمشي توريك أهم معالم المنطقه و تدخل تمشي بالماي
و الاحسن منها : البيق باص لكنه ما يدخل بالماي ... البيق باص يوريك كل الاماكن السياحيه بلندن من غير ماتنزل ... تشوفها و انت قاعد و أنصحك تقعد بالدور اللي فوق عشان تشوف عدل
البيق باص له محطات كثيره تقدر تركب فيه .. منها عند بوابة الماربل ارش و الهايد بارك كورنر
و فيه سجن القلعه السري ... رعب ... بس ما اعتقد انه يعجب الوالد و عمك
تخيل تدخلهم و هم ما يدرون انه رعب ههه
و فيه متحف الطبيعه روعه و جنبه المتحف العلمي فيه سينما ثري دي تجنن : في منطقة كرومويل : بالانجليزي : ناشيونال ميوزيام و ساينتيست ميوزيام
و مدام توسو او متحف الشمع ... فيه مشاهير من شمع ... مدري يعجب الوالاد ولا لا !!!!
الصراحه الشياب تحتار بذوقهم انت قول له و ان عجبه روحوا شوفوه
و للتمشي ... الهايد بارك و الرجنت بارك و بكادلي و ترافلجار
و فيه حديقة جرنتش و كيو جاردن .... بس بعيد و يمكن ما يمديكم الوقت !!
هذي هي اهم الاماكن
أنصحك تخلي كتاب باي باي لندن معاك ... فيه كل الاماكن السياحيه و طريقة الوصول لها
اما بالنسبه لفندق ... دام انكم اول مره تجون لندن ... الاحسن خليكم في الاجورود .. كله عرب و قريب من الاماكن السياحيه و من الهايد بارك
انت قلت ما تبي تتسوق ... بس احتياطي اعرف اماكن التسوق عشان لو حبيت تشتري هدايا للاهل :
شبر بوش ماركيت : سوق شعبي و رخيص
شارع الاكسفورد و الاجورود : جنب بعض

الف شكر لكم يا اخواني على هذا الاهتمام واتمنى من الله انه يوفقنا في هذه الرحلة ونستفيد منها الاستفادة الكاملة.
بس ودي في استفسار اخير السفر الى باريس عن طريق القطار من اي محطة وكيف اوصلها ، والشي الثاني هل الحجز عن طريق نفس المحطة ارخص ام عن طريق النت
ارجو الافادة

أخوي الغالي
نصيحة تابع التقارير و بتحصل كل اجابات اسئلتك و حتى القطار بتحصل رابط موقعهم ومعلومات عنها
وبخصوص سعر القطار إلى باريس .. كل ما حجزت بدري ترخص عليك التذكرة
تحياتي ،،

احم أخوي ماعليه أدش عرض وأسأل المرام سؤال؟
وين
ناشيونال ميوزيام و ساينتيست ميوزيام؟ عند أي محطه