معظم الرحلات داخل سويسرا لا تحتاج لحجز مسبق
لكن
توجد بعض الخطوط التي يفضل بها الحجز بها
وهي التي اطلق عليها الخطوط الساخنة مثل خط زيورش - انترلاخن
بالنظر لجدول الرحلات راح تلاحظ امام كل رحلة نوع الحجز المطلوب
والتي يرمز لها عادة بالحرف R
واذا كان نفس الرمز داخل مربع فهذا مهناه انه ريكومندد اي يفضل الحجز
معرفة الرموز ومعناها ضروري جدا
لوقانو ميلانو الحجز اجباري وممكن تحدز قبل السفر بيوم
من محطة القطار نفسها
اتمنى ان تقرا يومياتي في الدليل حلقة ميلانو
حيث ذكرت بها اني دفعت 50% من مبلغ تكلفة الرحلة التي تكون داخل الأراضي الإيطالية فقط مع وجود السويس هاف فير وبالمجان للي معاه السوييس باس
باقي الطريق في الأراضي لإيطالية لا بد ان تدفعه
وراح تستلم التذكرة اللي يكون موضح فيها معلومات القطار من تاريخ ووقت ورقم القطار ورقم الرصيف ورقم العربة ((مهم جدا)) واخيرا رقم الكراسي
وكثير يغفل رقم العربة ويدخل ويجلس في كراسي ارقامها صحيحة لكن للعربة الخطأ
أثناء الرحلة راح يمر عليك
1- الكمسري الي راح يتأكد من التذاكر
2- حرس حدود سويسرا
3- حرس حدود ايطاليا
فكون جاهز ومتوقع طبته عليك في اي وقت
ولاتنسى ان الوصول لمحطة ميلانو الرئيسية ثم الإنتقال للدومو (قصة أخرى)
اقرا اليوميات وان شاء الله تتضح لك الرؤية
بالتوفيق

اخوي سياحي الاخ ب عزيز كفى ووفى .. الحجز مو ضروري انا كنت اركب وامشي على علم مسبق مني بموعد القطارات ونصيحتين اقولك اياهم:
1- تطلع من ديرتك عارف وقت وموعد ركبتك للقطار وحط بدفتر صغير وياك وتسجل فيه مواعيد الاماكن واوقاتها وتكون هما حاط اوقات احتياطيه بعد سبحان الله تروحعليك ولا شي الا عندك شي ثاني بديله.
وتاخذهم ن موقعهم هذا http://www.sbb.ch/en/index.htm تحط الديره اللي انتا فيها والديره اللي بتروح لها والتاريخ والوقت ويطلعلك الجدول كامل تختار منه اللي يناسبك.
2- تكون متواجد بمكان المنصه قبل موعد اقلاع القطار بعشر دقايق يمكن يكون في تغيير مني ولا مني سبحان الله تكون انتا ماخذ احتياطك.
والثالثه بعد اذا انتا اول مره تركب قطار مثلي انا قبل كله اركب تكاسي اذا شفت رقم واحد عالقطار معناته للدرجه الاولى واثنين للثانيه لان انا حستهم حوس الله يسلمك اللي جدامي كنت اركبه ومالي شغل