للاسف هذا الشيء موجود في الدول العربيه كلها ماعدا الخليجيه
لكن هذا يسيء للسياحه العربيه
لكن مايمنع انك تتابع وتلاحظ الفاتوره عند التسديد لو فيه شي ماطلبته ماتدفع حقه ولو فيه شي رافع في سعره اطلب المنيو والاسعار موجوده فيه

واضح ان السولدير كله استغلال
طيب اخوي وين فيه مطاعم حلووه وماهي غاليه مرره
واذا الواحد يبي كفي حلو وشيشه حلوه بس مو غاليه نفس اسعار السولدير
سمعت واحد يقولي كاس شاي وشيشه في السولدير بحوالي 20 دولار
واضح ان فيه استغلال ممكن توضح لنا المطاعم والكافيهات الحلوه
واسعارها مقبوله .. وشكراً

تشكر على التنبيه
وما فيها شيء انك تسأل عن الأسعار
وفعلا جونيه عندي افضل واحسن ويكفيك تعاملهم الراقي

اخوي انت عندك منيو على الطاولة أطاب و اذا جابك غير الي طلبته رده عادي ماكو مشكلة و الاسعار موجوده على كل طلب انا شايف ان ماكو نصب نهائي يعني لو جابك غير الي طلبته ردة و اذا السعر غالي تفاهم وياهم و انا و الحمد لله ما صارلي شيئ من هذا القبيل و حياك لو تشرفني في تقريري ( رحلتي الي لبنان ) وتشوف الاماكن السياحية عدل و المواقف الي صارت لي و تشارك هذا شرف لي و ترى قريباا راح احط video للرحلة كاملة في موضوعي يعني راح تشوف الثلج و اماكن سياحية في لبنان و ترى كل شخص له وجهة نظر يقدمها في المنتدي و ( كلن يقول ما يواجه )

مثل ماقالو الاخوان عندك المنيو وكل الطلبات موجودة بالسعر ومن حقك تسال عن كل شي
واذا شي ماعجبك سعره مو لازم تاخذه وبعدين راجع الفاتورة طلب بطلب وجيب المنيو وقارن بالسعار
واذا زادو شي عليك من حقك تطلب مدير المطعم وتقدم شكوتك

للأسف الاستغلال واضح ايام الاجازات والمواسم...بيكون في minimum charge على الطاولة تقريبا 50 دولار....واللي صار لي شخصيا في البيتي كافيه قبل أمس جلست زي الحلاوة و طلبت الي يروق لي بدون ال 50 دولار لأن الاجازة يا دوب بدأت....لكن امس بالليل ازدادت اعداد الخليجيين بشكل غير طبيعي و يوم رحت البيتي كافيه عاملوني كأني واحد زبال متطفل يوم كنت احاول الاقي طاولة قالي ما عندنا ويوم اصريت بكل أدب.....قابلي الجرسون بكلمة استفزازية وقال لي اقل شي 50 دولار للطاولة...قلت له مع السلامة
لكن تظل لبنان حلوة...

اخواني واخواتي ما ودي احد يزعل مني بس انت اللي تخليهم ينصبون عليك اشوف ناس كثير اذا جاء ما يسأل ابد عن نظام المطعم واذا جابوا له الفاتورة استحى ودفع بدون اي تردد ترى يا شباب ما فيها شي انك تسأل عن نظام المطعم قبل ما تجلس ممكن يكون فيه مينيمام تشارج او لازم عشاء أو ينزلون لك صحن حلو او مكسرات واذا ما ناسبك روح لغيره ومستحيل انه يقولك كلام وبعد ما تطلب يغير كلامه وترى لبنان والله مو بلد نصب بس اللي يستحي يسأل راح ينصبون عليه حتى في السعودية

خالد البراهيم
كلام منطقي وحلو ... بس في فئة يا اخي ربنا منعم عليهم ، ومو فاضي للمفاصله يعن بالعربي الطاولة اللي بتعجبه على طول بيجلس عليها .
وهذا الشي موجود في كل بلد وليس في لبنان فقط وبجميع الجنسيات .
تحياتى @

المملكة .. @
تحياتى @
انا معك 100% بس انا ما اتكلم عن الطبقة هذي ( جعل اللي عطاهم بالكريك يعطينا بالملعقه)
انا اتكلم بوجه عام وللناس اللي تبي تنبسط بدون ما تدفع على الفاضي او غصب عنها لأني صراحه انقهر اذا جلست بمجلس وقالوا لبنان غاليه وما يتعاملون معك إلا بالدولار ( كلام فاضي ) يعني اذا رحت مثلا للفردان تقدر تجلس بستاربكس وتدفع 4 دولار على جلستك وتقدري تجلس في اموري وتدفع اقل شي خمسين دولار اذا لحالك مع ان الفرق بين طاولات ستاربكس واموري مسافة مترين.
وعلى قولتهم ( عقلك براسك وتعرف خلاصك)