رابط ممكن يفيدك ولكن لعام 2007
اضغط هنا https://artravelers.com/p/re/153782

معقولة كل اللي سافروا ماواجهوا سلبيات أو عوائق أو غلطوا في شي .
ولاأنسى أشكرك أخ ماجد والحقيقة استفدت من الموضوع اللى أرفقته في ردك وكنت اتمنى لو أن الاخوان ذكروا لنا سلبيات صيف هذا العام .
أحد الأقرباء ذكر لي أن من سلبيات سفره كثرة السياح الخليجيين وتصرفاتهم ونظراتهم .... الخ
قلت راح يجي يوم والكل يتحاشى يسكن خليجيين ,
فعلا وانظروا لماليزيا الان
هذا عشان أفتح باب يالله عساهم يتفاعلون

والله يا أخت هيجاء اللي بيروح الصيف أوروبا أو مصر
أبرك لها يقعد في ديرته .. كل الخلجيين قدامة
الافضل تكون السفره في وقت ما يكون موسم مثل الصيف
والله يا أنا والمدام أخذنا راحتنا على الآخر في أكتوبر الماضي ..
وربعنا الله يهديهم من سوالف الاخوه اللي سافروا في الصيف يقولون ما غير ترزز في هالمقاهي ومغازل وتالي الليل ما غير سكارى في هالشوارع ,, وشئ يفشل قسم بالله .. طبعا انا ما أعمم هنا ولكن واحد سكران يشوه سمعة بلد بحالها .

وضاح
والله ودي أسافر في غير الصيف والسبب هذة الاشكال اللي قلت عليها .
لكن إجازتنا في الصيف فقط ( تعليم )

هيجاء الحائرة
السلام عليكم وشكراً على الموضوع,
أنا من سلبياتي ونصايحي:
1- كثرة الأمتعة آآآآآآآآآآآآآه.. وخاصة لو كانت عائلة, وكثير تعبتني من قطار إلى قطار وتحويل,
عشان جذي الواحد يحاول ياخذ أقل الأشياء وتكون مناسبة لفترة رحلته بقدر المستطاع
واضطريت آخر أيامي إستأجرت سيارة عشان إلي متعبني (اللاكيج).. :112:
2- الخروج مبكراً للذهاب لأماكن السياحة ومعرفة تواقيت العودة مهم جداً جدً جداً, مثل جبال الثلج بالتلفريك
لأن تورطنا عند ما خلصنا من Glacier 3000 في Diablerets, الباص راح عينا وكان آخر واحد الساعة 4
والمنطقة بعيده عن الخدمات.. بس كان مطعم بجانبه واتصلنا بتاكسي.
3- حاول تسأل لو ضيعت أو تبى تستفسر, حتى لو البعض مابيردون عليك.. حوال مرة أخرى معا غيرهم أو المكاتب السياحية الرسمية.. ولا تضيع وقتك.
4- حاول يوم تسكن في انترلاكن إنها ما تصادف أيام (الويكند) جمعة وسبت وأحد لأن فعلاً كان في إزعاج من المراهقين والسكارى باليلل(وطبعاً فنادقهم بدون مكيفات) ونحن سكنا في فندق Hotel Weisses Kreuz وكان في السنتر أو اسكن في المتروبول أو فيكتوريا..
5- لو عندك أطفال خذ بطاقة قيمتها 20 فرنك للأطفال مدتها سنة حق القطارات..( بس إكتشفتها آخر شي).
6- تأكد وين تسكن خاصة في جنيف لفنادق 3 ستار.. لأن فعلاً ندم لبعض المناظر ليوم ورحت مونترو..
وفي النهاية أكيد (دروس وعبر في السفر تعلمناها)...
وشكراً..

COOL X5
يعطيك العافية وفعلا نصائح مفيدة ,
وبالنسبة للعفش أشوف انه من أكبر السلبيات في السفر لان كثرته تضايق .

كان حجزنا علئ الخطوط السعوديه
لاكن كنا علئ اعصابنا لان عندهم شي يسمونه اوفر بوكنق يعني يحجزون زياده علئ سعه الطايره ومن سبق لبق
حتئ موظفات مكتب السعوديه في جنيف حذروني من الشي هذا
هذا يمكن يكون العيب الوحيد في الرحله
واتمنئ من الخطوط السعوديه تغير هذه السياسه

reeen78
اختي الأوفير بوكينق تم تعطيله في رحلات المواسم
هذا فقط للمعلومية
ولكن ينصح بالذهاب مبكرا للمطار قبل السقفر ب 3 ساعات
وتأكيد العودة قبل السفر ب 3 ايام
الأوفير بوكينق يتم تطبيقها على بعض الرحلات في غير المواسم وعلى الدرجة الضيافة فقط
وبالتوفيق