السلام عليكم يالربع
هذي اول مشاركة لي في المنتدى اتمنى انكم تتجاوبون وياي
يا طويل العمر انا بالصيف وتحديداً شهر سبعة مسافر الى النمسا
بصراحة مليت من الحياة الجامعية
اربع سنوات اكد مثل الحصان :02yju:
بالصباح دوام ارف والمساء جامعة وترجع البيت ذايب من شمعة العلم
مسكينة ام العيال من 3 سنوات كل مايجي صيف اقولها بسفرك من دخلت الجامعة الى اخر كورس لي وانا اقص عليها
لكن الحين بما اني شارفت على الانتهاء من الحيارة العليمة ********> اللي يسمع بتخرج الجاحظ ولا افلاطون
بالاخير شهادة وبنعلقها بالغرفة ولا بنحطيها بالدرج
انا بدل لا اقول استفساري دخلت موضوع ثاني عن قصة حياتي ******** استحملوني شوي
سوالي اني انا قررت اروح النمسا ولكن ماعارف كوعي من بوعي
وبصراحة لغتي الانجليزية (1-) عالشمال يعني تعبانة لكن اعرف القط كم من كلمة مثل yes/ no
وامشي حالي بيهن
انا بعدني مادخلت بالسوال ؟؟؟؟؟
السؤال اللي يسدح نفسه قبل لا يطرحه
هل اللغة الانجليزية مطلوبه بصورة كبيره بالنمسا
ولا في بعض البشر يتكلمون العربي
يعني ماراح نشف هنود يتكلمون عربي منقع خ
ولو واحد فيكم يرتب لي رحلة حلوة لمدة 15 يوم بكون شاكر له وبجيب له صوغه بعد
باسماء المدن مع فنادقها
الشيمة يااخوان
لا حد يحبطني
لان حالف ستين يمين اني ما اغير الوجهة لو طلعت عندهم انفلونزا المحششين
مشكلتي احب اغامر