من هنا البدايه من هذا المنتدى الملئ بالمعلومات والاطلاع على مواضيع الاعضاء المميزه وكل شئ تبحثين عنه موجود في المنتدى سكن اماكن سياحيه وسائل الموصلات باسعارها واتمنى اني افدتك

القلب الوفي
هذا يعتمد على كم المدة اللي بتقضونها هناك وهل أنتم من عشاق الطبيعة والا من عشاق الأسواق ...

اختي انصحك اول شي تحاولين تشوفين التقارير كلها اللي عن النمسا صح تبي تاخذ وقت لكن راح تسهل عليك طريقة طرح الاسئله ..وخلي معك ورقة وقلم وسجلي كل شي اماكن سياحيه مدن شقق فنادق ...بعدين حددي وش المناسب لك من حيث المدن اللي ودك تزورينها ..وقتها اذا ظهرت بمخطط تقريبي ..اطرحيه علي الاخوان وصدقيني ماراح يقصرون معاك بالتعديل والزياده والنقص الين تلقين طلع معاك مخطط رحلة متكامل ..ربي يسهل عليك رحلتك ويوفقك ..

memo2006
تسلم اخوي ترى ها الشي الي يالسه اسوي لكن ماشاء الله يبالي اكثر من شهر عسب ايمع ها المعلومات قلت اختصر وانتو تخبروني

zaman99s
والله انا من عشاق الاثنين وبعلي ما يحب الاسواق
المده مب متاكده يمكن عشرة ايام اواقل على حسب الميزانيه

memo2006
صدقك اخوي الله يخلي لنا ها المنتدى
لنه صدق استفدت منه يوم سرت ماليزيا بس يبالي وقت وانا وايد مشغوله ويا امتحانات عيالي
فقلت ما عندي غير طيور شلوى يساعدوني

القلب الوفي
إذا المدة قليلة كذا
فأرشح لكم النزول في مطار مدينة ميونيخ الألمانية واستئجار سيارة من هناك والسفر بها إلى زيلامسي النمساوية لمدة سبعة أيام والتجول هناك ثم العودة بالسيارة لميونيخ وقضاء ثلاثة أيام ثم العودة إلى الوطن