- السلام عليكم جميعا..
- اسعد الله اوقاتكم بكل خير ومسره
- http://www.fourseasons.com/chiangmai/
السلام عليكم جميعا..
اسعد الله اوقاتكم بكل خير ومسره
اول شي احب اشكر القائمين على هذا المنتدى الي تعجز الكلمات عن وصف ما اكن لهالمنتدى .. بداية من المعلومات الي كنت اخذها من هالمنتدى خلال تقديمي للبعتثه للدراسه في الولايات المتحده قبل سنه ونصف تقريبا ومرورا بتصفحي للمنتدى لاختيار شهر العسل.
بدايه كنت محتار بين جنوب فرنسا والنمسا لين ماكلمني واحد من خوالي من عشاق تايلند وقالي وش تبي بالزحمه والحر والقلق رح تايلند وادعيلي
بعد تصفح المنتدى نويت ان شاء الله انه اروح تايلند وبعطيكم برنامجي وابي مساعدتكم تكفون لا تبخلون علي وانا اوعدكم بتقرير شامل وموسع بعد شهر العسل( يبي يضبط اموره ) ههه ( مجرد دعابه)
خط سيري راح يكون
الرياض,ابوظبي, بانكوك الاقامه في بانكوك ليله وحده في فورسيزون بانكوك , وهذا رابط الفندق
http://www.fourseasons.com/bangkok/
اليوم الثاني بانكوك شانغ ماي وبجلس فيها ثلاث ايام في فورسيزون شانغ ماي وهذا رابط الفندق
http://www.fourseasons.com/chiangmai/
بعد شانغ ماي راح اروح لي القولدن تراينقل golden triangle, والاقامه راح تكون في الفورسيزون , وارجو من الي عنده معلومات عن القولدن تراينقل يعلمني فيها لانه انا شفت بالموقع بس حق الفورسيزون وتحمست للفكره انها غابه ومغامرات وتغير جو وتجربه حلوه بشهر العسل وخصوصا اني جلست اتصفح المنتدى ادور اي احد يتكلم عن الموضوع مالقيت شي عنها.
بعد القولدن تراينقل راح اطير من شانغ ماي الي فوكيت واجلس فيها خمس ايام في فندق The Evason Phuket and Six Senses Spa ومكانه في Rawai Beach on the south eastern side of Phuket Island وهذا رابط الفندق http://www.sixsenses.com/evason-phuket/index.php
بعدها راج ارجع لبانكوك واجلس فيها ثلاث ايام شوبنغ وتمشيه ومكان الاقامه راح يكون يا الفورسيزون او الانتركونتانيتال.
تكفون ياجماعة الخير ابي فزعتكم انا الحين في امريكا وراجع السعوديه فجر الاحد ومحتاس بهالموضوع وزواجي راح يكون اخر شهر جولاي ان شاء الله وابي اخلص هالموضوع اول مارجع وابي رائيكم بالفنادق الي مختارها وخصوصا رائيكم في القولدن تراينقل اذا احد عنده خلفيه عنها يفيدني وهذا رابط القولدن تراينقل في موقع الفورسبزون
http://www.fourseasons.com/goldentriangle/
طبعا الاسعار الي في النت ماهيب الاسعار الاساسيه لانه اكيد بلقاها ارخص بالرياض عن طريق مكاتب السفر والسياحه .
تكفون وتكفا تهز الرجاجيل ابي رائيكم بالفنادق واماكنها وقربها من اماكن التمشيه في بوكيت وشنغ ماي وفندق الي في بانكوك هل هو قريب من اماكن التسوق والمطاعم العريه والتمشيات.
تحياتي لكم والله يعطيكم العافيه على جهودكم الي تبذلونها ويجزاكم خير
يعني معقول تسع قراءات ومافيه ولا رد
ياجماعة الخير تكفون ابي مساعدتكم لا تبخلون علينا