مراحب ياتفاحه
اسعار التذاكر تختلف من خطوط إلى اخرى بس اسعار الخطوط السعوديه تتراوح مابين 2100 ريال وحولها وهي مع خطوط الجارودا ( دايركت )
اما الخطوط الأخرى لاتفرق عنهم بالسعر مع اختلاف بسيط ولاكن عيبهم ( ترانزيت ) وأفضل الخطوط هي السنغافوريه
اما بالنسبة المصروف اليومي هو مابين 150 دولار إلى 180 دولار باليوم تنقص أو تزيد قليلاً على حسب ميزانيتكم واختياركم السكن بفنادق 5 نجوم أو 4 نجوم
تحياتي وبألف سلامه

الله يعافيك اخوي
طيب احنا حاطين ميزانيه 10 الاف تتوقع تكفي فنادق ومصاريف ومواصلات من غير التذاكر طبعا
احنا شخصين
ومايهم فنادق 5 نجوم او اربع
ومانبي نزور مناطق كثيره بنكتفي ب 3 او 4 مناطق

طالما انها 15 يوم ... ان شاء الله تكفي .. وياليت تزيدون الميزانيه شويه
مع اخذ معكم احتياط افضل .. وحاولوا بالمكاسر في كل شي حتى مع الفنادق
تحياتي وبألف سلامه

طيب وش الاماكن اللي ترشحونها لنا
واي وقت يكون مناسب الجو هناك نبي جو بارد باي شهر
وش افضل الفنادق في الاماكن اللي بترشحونها لنا

بالنسبة لجو اندونيسيا تقريباً طول السنه جوها واحد
بجاكرتا حار رطب تتراوح الحرارة من 28 حتى 32 مع وجود الأمطار احياناً
اما بالجبل ( البنشاك ) الباندونق فهو بارد ليلاً معتدل نهاراً مع وجود الأمطار غالباً
وارشح الأماكن التاليه :
جاكرتا يوجد بها = دنيا فنتاسي + برج موناس + الأنشول + الكافيهات + الأسواق
اما الجبل يوجد به = حديقة الحيوان ( سفاري ) + حديقة الزهور + الشلالات + الليدو + حدائق الشاي + عرض لمسرحية الكوبوي .. ويوجد به الكثير
اما الباندونق = المياه الحاره الكبريتيه + مزارع الفراوله + البركان + الأسواق مثل شارع الجينز
تحياتي وبألف سلامه

هلا وغلا أختى الكريمة : طبعا ماقصر أخوى المبدع والمبهر والرائع أبو منتظر عطاك جميع
المعلومات المفيدة واللى تستحق الزيارة وماأقدر أضيف الا بعض المعلومات تم أقتباسها من مشرفنا
القدير ( بنتاق ) منقول للفائدة :-
واليك معلومات عن بعض الاماكن السياحيه
الاماكن الجميلة بشكل عام هي
جاكرتا - جبل بونشاك - باندونق- سوكابومي
في جاكرتا = ملاهي دنيا فنتنازي + شاطي انشول + عالم البحار والدلفين + اسواق
في الجبل = بحيرة اليدو + حديق حيوان تامان سفاري + الشلال + حديقة الزهور
في باندونق = الاسواق + البركان+منتجع سابولدي في ضواحي باندونق الشمالية جهة لمبانق
المنتجع عبارة عن شاليهات مقامة على بحيرة صغيرة شبيه جدا بمنتجع كامبونق في قاروت
في سوكابومي الجبل وبلابوان راتو وهو الشاطئ +المنتزه الوطني في سوكابومي(هاليمون)
يقع في منتصف المسافة بين بوقور وبلابوان راتو وهو أكبر منتزه قريب من جاكرتا
المكان مناسب جدا لهواة المغامرة والتخييم وتوجد مزارع للشاي مترامية
الأطراف بالقرب منه 0000

يعطيكم العافيه
طيب كيفها من ناحية المطاعم والكافيهات انا من عشاق الكافيهات
ومدن الالعاب وش فيه غير اللي ذكرتوها
ومشكورين
والله يعافيكم ويوفقكم

بجاكرتا يوجد مطعم ( بندر جاكرتا ) بالأنشول
فيه جلسات على الشاطىء وفيه الأكلات البحريه ويكفي الجلوس فيه وقت غروب الشمس
ويوجد بهذا المطعم بالأعلى كافيه شوب ممتاز وراقي
تحياتي

طيب طيران الامارات كم بتكون سعر التذكره في الغالب يعني مثلا حول 2100
عادي مايهم لو ترانزيت
وابي برنامج حلو ومرتب يعني كم يوم بجاكرتا وكم يوم ببونشاك وكم يوم في باندونق
ماننحرمش منكم