mema sweet22
06-12-2022 - 09:17 am
السلام عليكم ورحمه الله وبركاته
احنا عائله واول مرة بنسافر جدة والطائف
من 11\8
احنا معانا من 10 الى 15 يوم
طبعا بنقسمها على جدة الطائف
ونهايه رحلتنا بمكه
وبعدها نرجع جدة يوم علشان الطيارة
طبعا اقل شيء مكه 5 ايام
بس عطوني رايكم
بخصوص جدة
انا قريت هنا بالموقع عن الشقق
خاصه حنا نبغى شقه نظيفه وسعرها مناسب
انا قريت منطقه او شارع حراء اقرب شيء للاسواق والمطاعم
بس محتارة بين بودل حراء,اونيكس,نسائم النور
ابغى شقه بحدود 500 اقل اكثر شوي مافي مشكله
تكون غرفتين فيها طبعا
بس المهم تكون قريب من الاسواق
وحسب ماقريت هذي الاقرب للاسواق
طبعا اسواق عاديه مش المجمعات وبعد قريبه من مطاعم
بس اذا تعرفون احسن ابغى رايكم لاني بحجز من الحين
طبعا السفرة بتكون 11\8
وابغى سيارة كبيرة مثل سيارة فان تكفي عائله سعرها غير مبالغ فيه
لانو مايكفي تاكسي اذا تعرفون مكان اوحتى شخص بدون شركه بس سيارته كبيرة يكون يعرف الاماكن يودينا بهذي الايام
وبرضوا أماكن تنصحوني نروح لها العاب للاطفال او اشياء مميزة اوسياحيه
بعد ابغى مكان يسوي مساج للنساء
ومركز ابر صينيه
اما الطائف
مدري وين المكان الي يكون فيه سوق
قريت شارع الشهار
محتارة بين سن رايز للاجنحه الفندقيه,هاي مون للوحدات السكنية,الأحلام بيتش,شقق روهارا الفندقيه
ولو في افضل قولولي لاني ابغى قريب من مطاعم وبرضوا من الاسواق
نفس الشيء ابغى شقه 500 ريال اكثر اقل مافي مشكله
مدة يومين او 3
ولو احد يعرف اسواق حلوة محلات سياحيه العاب للاطفال
وابغى سيارة تاخذنا تكون كبيرة لعائله مايهم شركه او شخص يوصلنا بس الاهم السعر غير مبالغ فيه
واسفه طولت بس جد محتارة وماعندي احد اسئله
ومشكورين مقدماً
وجزاكم الف خير ويسر لكم اموركم مثل مارح تيسرون علي امري
هادا ردي الاول في هذا الملتقى الاكثر من رائع.
أولا: جدة
اغلب الاسواق الكبيرة تقع في شمال جدة زي الرد سي مول والافينيوز ومجمع العرب. غالبا السكن في اي مكان راح يؤدي الغرض بس انصح السكن في منطقة الحمراء اللي هيا جنب النافورة حقت جدة. لان هناك مكان حلو وعلى البحر وتقريبا التحرك من هناك سهل نسبيا لأنك راح تمسك طريق الملك عبدالعزيز ووديك للشمال. وكمان يمديك تروح للجنوب وتشوفو جدة القديمة ومحلات الجملة للعطور والمكياج الخ اللي هيا في مركز الكورنيش.
ان شاء الله الاعضاء يزيدو اكثر للموضوع حقك
ثانيا: مكة
انا انصحك تسكن في شركة مكة او دار التوحيد او فندق الساعة. طبعا الاسعار غالية شوية. بس لو تسكن شوية بعيد عن الحرم وتروح بالسيارة او التكسي راح يكون ارخص لك. مكة مافيها شيء غير الحرم الشريف الاسواق مو مرة. بس في سوق الحرم او الساعة وموا مول كبير بجانب الحرم الشريف.
ثاثا: الطائف
انا دايما اروح مع اهلي وخيلاني للشفا وهي مدينة مرة رائعة وباردة روح منتجع اسمو سديم عندو نظام فلل او خيام مقفة يعني لا ناموس ولا شيء مررة رائعة.
ان شاء الله الاخوان يضوفو اشياء اكثر