[ملاك الروح]
20-11-2022 - 08:23 pm
مساء الخير
بسأل عن المواصلات عندكم شلون هل التكاسي متوفره مثل الامارات تكاسيهم بطريقه منظمه جدا وماعليه خوف
ولا بنتوهق بهالخصوص عندكم ..
علما لا احد ينصحني بستأجار سياره ,, لاني اول مره ومو حابه اسوق
بس حابه اعرف طريقه التكاسي عندكم شلون ويمشون عالعداد ولا لا..
واقترحو علي مكان السكن .. ابي فندق يكون قريب من المولات والاماكن ..
بالانتظار ..
تنور قطر ...
الغالية التاكسي عندنا اسمهم كروة
يعني تتصلين عليهم قبل موعدك وتطلبين يرسلون لك ...وطبعا يشتغلون بنظام العداد
ولهم مواقف مرتبة في كل المجمعات وامرهم باذن الله يكون سهل ...
بس اهم شيء ترتبين الوقت اللي تبينه
وممكن تستخدمين الليمو يعني بالمشوار او الساعة تتفقين معهم ويرتب لك الكونسيرج حق الفندق
بخصوص السكن ...
اذا ودك بفندق ارشح لك فندق رتاج الريان
سعره ممتاز وموقعة راقي في المنطقة الدبلوماسية عند الابراج
حولينه فندق دبليو وكمبنسكي الفورسيزن الشراتون موفمبيك تاورز
واقرب شيء لكم الستي سنتر ...طبعا الكورنيش قريب وعلى امتدادة سوق واقف
وهذا موقع رتاج الريان اذا حابة تشوفينه
فندق رتاج الريان من الفنادق الجديدة المتمييزة
من حيث الموقع والتعامل
يقع مقابل فندق كمنسكي والدبليو
وكذلك الفورسيزن ...وقريب جدا من الستي سنتر وكورنيش الدوحة
فندق رتاج الريان
الدفنة، الحي الدبلوماسي
ص. ب. 24595 الدوحة
الدفنة ، الحي الدبلوماسي
قطر
تلفون
4420 00974
فاكس
5420 00974
بريد الكتروني:
هذا موقعهم فعلا خلف الستي سنتر
http://www.retaj-alrayyan.com/ar/content/contact-us.html
بس هذا نظام فندق ...عندهم نظام شقق في منطقة اسلطة الجديدة
فندق رتاج الشرق
مستوى خمس نجوم
منطقة اسلطة القديمة بالقرب من الكورنيش
هاتف 4528888
فاكس 4528880
شقه (غرفتين نوم مطبخ وصالة وحمامين ) بدون فطور وبدون ضريب
شقة (عدد اسرة 3 في كل غرفة ومطبخ وصالة وحمامين ) بدون فطور بدون ضريبة
واي استفسار ابشري به