أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ياريت تنصحوني في مكان بقطر للسكن رخيص لاني سالت عن الفنادق كثير غاليه انا رايح مع رفيجي وابي سكن رخيص وكويس وبغيت اعرف اماكن تاجير السيارات هل توجد بالمطار هالاماكن والاسعار ؟؟
يامرحبا ويامسهلا
حياك الله ياخوي
عن السكن في قراند الدوحه الشقه اعتقد ب 800 او 700
نسيت
وعن التأجير احذاي الجريدة في محل اسمه
ليون لتأجير السيارات
ت : 4329007
واسمحلي عالأقصور
فيه ياخوي بس مستوى يعني اسمحلي اقولك ماينسكن فيه
عادي تبي تروح تتروش تلاقي الماي بارد الصخان مال الماي خربان
ولا تبند الكهرباء يعني سكن عزاب في الصناعية
ماراح ترتاح فيه
والسعر غالي لكثرة الطلب وقلة المعروض
والسموحه منك يالغالي
واي طلب حاضرين
يعطيك العافيه اخوي قطري بس ليش السكن في الدوحه كثير غالي ؟ على فكره انا اول مره بزور قطر وبخاطري من زمان ازورها والحين انا قصيت التذاكر بس الله يستر من السكن انا سالت هني بالكويت قالولي اقل شي الليله ب 750 ريال وقلت بجازف راح ااجر سياره من المطار وادور شقق رخيصه او فندق رخيص تتوقع الاقي؟ وياريت تقولي عن منطقة الشقق والفنادق؟ مثال الجفير في البحرين مركز الشقق والفنادق بقطر وين مركزهم؟؟ يعطيك العافيه واسف عالاطاله
للاسف مافي منطقه معينه
في شقق بس اشوف مستواها تعبان في منطقه سوق الذهب
هااي الارخيص
اما المستى العادي فهو مثل ماوضحت لك الاسعار غالية وبدون اي مناسبه
لكن بعد مثل ماوضحت لك كثرة الطلب وقلة المعروض هو اللي مزود الاسعار
ويا مرحبا فيك في قطر واي خدمة حاظرين
y3gop2005
اخوي يعقوب خليك على الفنادق المعروفة واقل شي 4 نجوم في الدوحة اما الباقي بصراحة المستوى فعلا دون المستوى تخيل ان مكيف الغرفه كنديشن بدون غطه راح يخرب عليك السفرة اسعار الفنادق غالية الله يعينك انا آخر مرة سكنت بفندق شيراتون الدوحة بحدود 80 دينار يعني 1000 ريال قطري انا كنت معزوم على مناسبة رحت ومريت مجمع السيتي سنتر وعلى مطار الدوحة
بالتوفيق ان شاء الله
يا أخي و ينك عن الفنادق اللي صايرة بشارع المتحف , فيه كذا فندق يمكن اقول مستواهم ثلاث نجوم , أسعارها معقولة و حلوة و مواقعها ممتازة , قريبة من الكورنيش و الأسواق
و أخيرا من سأل ما ضاع
و يا الف أهلا و سهلا بك في الدوحة
حياك الله ياخوي
عن السكن في قراند الدوحه الشقه اعتقد ب 800 او 700
نسيت
وعن التأجير احذاي الجريدة في محل اسمه
ليون لتأجير السيارات
ت : 4329007
واسمحلي عالأقصور