السلام عليكم ورحمة الله وبركاته
شو ترشحولي من فنادق سالزبورج فئة ال4 نجوم...ويكون موقعه جيد...ومجرب
أختي الفاضله ظبية دبي أنصحج فى هذا الفندق عن تجربتي
قريب من محطة القطار تقريبا 150 متر على الأقدام

فندقنا فى سالزبورج

يا اختي غريبه.. ما ترتاحين في الاماراتية..سافرت فيها مرة للنمسا كانت اكثر من رائعه و ممتازين..
غريبه ما بغيتيهم..! عموما انت ادرى بنفسك..
اقدر افيدك ممكن في فنادق Nh اللي ذكرتيها..هي منتشرة كثير في النمسا..تأكدي ان اللي بتحجزون فيه يكون
قريب من الاماكن السياحية..
و حبيت انصحكم بعد..اذا بتجلسون 9 ايام في زيلامسي او في كابرون..لازم تستأجرون سيارة اذا كانت ميزانيتكم
تسمح... عشان تستمتعون كثير ;-)
اتمنى من باقي الاخوان يفيدونك اكثر ... بالتوفيق

المزعج
مرحبا ..* المزعج *..وشكرا" على ردك ...
وبالنسبه لفندقك حطيته في بالي بس حبيت أسئلك...ينفع نتمشى حواليه...بمعنى ..في حواليه أماكن
مثل سوبر ماركت ..مطاعم ...حديقه ......والمحطه القريبه هي نفسها ال نوصل عليها من فيينا ؟!!
مع الشكر

Syriana
أهلين * سريانا * بالنسبه للأمارات كل تجاربنا عليها سيئه ...والمشكله الرحلات الدايركت على فينا
تكون على الأماراتيه أو النمساويه..
وفنادق NH ال حطيت أسمائها موجوده بشارع مارياهلفر....بس حبيت أعرف من تجارب المسافرين أيهم
أحسن !! لأنهم بنفس الأسعار ..
وناوي زوجي أنشاءالله يحجز سياره لأيامنا في الكابرون...بس تعتقدين نستخدم القطارات في سلزبورج مثل
فينا أفضل أو ناخذ السياره من سلزبورج ونستخدمها فيها أفضل !!
تحياتي لك وشكرا" لمشاركتك

أختى العزيزة ظبية دبي
هذا الفندق قريب منه
سوبر ماركت ..مطاعم ...داخل مجمع امام الفندق بالضبط
ومحطة القطار في مطعم صاحبه مصري الأكل ممتاز عنده
وبالنسبة لمحطة الباصات قريبة جدا جدا منه بس المنطقة التى بها حركة بعيدة عنه شوىه بس التمشي حلو وبالباصات يقريبك عن كل شيء
أكثر الأماكن كنا إروح لها مشي لأن الجو يساعد والمنطقة أبرد من فينا وزلمسي
تعامل الفندق فوق الممتاز
والإفطار رائع جدا
ولاحظت إنه هادئ وفي عرب بس قليل جدا
وأول ما وصلنا للفندق شرح لنا وين مكانه بالخريطة ووين السنتر
مدينه قديمة والنهار طويل اكثر من مكان تروحين له

ظبية دبي
السلام عليكم,
انا سافرت مع العائلة على الطيران النمساوي لانة كان في عروض ممتازة على التذاكر. الطيران جيد وما اذكر انا واجهتنى اي مشكلة فية والرحلة نسبيا قصيرة من 5 الى 6 ساعات ما طويلة.
الفنادق - اختيار الفنادق وسط المدينة يدل على انكم ما بتستاجروا سيارة.
NH Atterseehaus
انا مريت علية لانة في وسط السوق وقريب من محطة U Bahn و يبعد 10 دقائق من المتحف. وهو تقريبا في وسط فيينا. الغرف اكبر وموقع ممتاز
التقيم لة 8.2 من 10
NH Wien
تقيمة اقل 8.1 والغرف اصغر
بالنسبة لتخطيط الرحلة اعتقد انة يحتاج الى مراجعة, لانة اخر يوم بترجعون الى فيينا للعودة الى البلد.
المسافة تقريبا 5 ساعات من زلامسي الى فيينا.
مثل ما ذكر الاخ Syriana حجز سيارة في كابرون مهم لانها قرية جميلة جدا و هادية جدا والسيارة مهم جدا. اذا مابستاجروا سيارة الافضل الحجز في زلامسي.
انصح بالاطلاع على تقريري المفصل لرحليتي الى النمسا في التوقيع

المزعج
تسلم * المزعج *...على متابعتك لأستفساراتي وردك السريع عليها...
وألف شكر على هالمعلومات...فعلا" أستفديت منها...

saif.n

• سيف *...الله يعطيك العافيه على كل هالمعلومات المفيده..

وبالنسبه للسياره ..زوجي ناوي يستأجرها من القريه الألمانيه ال على حدود سالزبورج..بس محتارين ..هل
الأفضل نستأجرها من نوصل سالزبورج...والا مابنحتاجها الا لما نسير الكابرون !! شو تشور علينا؟؟
وتخطيط الرحله ..أنا كنت مقترحه بعد زلمسي نتجه لمطار ميونخ ونسلم السياره هناك بما أنه مستلمينها
من القريه الألمانيه....بس زوجي..يقترح نرجع بالسياره لسلزبورج...ونسلمها مكان ماأستلمنها وناخذ قطار
لفينا ونيلس فيها يوم...واليوم الثاني على المطار....شورايك؟؟!!
وأن شاءالله راح أقرا تقريرك....أكيد بيفيدني وايد...
ألف شكر ...تحياتي..