ونحن معك بأنتظار الاجابة من اخواننا في الكويت

الحل عندي سلمكم الله .. اطلعوا على طريق ( الخليج العربي ) وامشوا لين تجيكم لوحة مكتوب عليها ( دسمان ) ودسمان مقابله تمامً لأبراج الكويت .. هذي المنطقة خصوصاً امام دوار قصر دسمان فيه عدد كبير من الفنادق والشقق المفروشة المريحه جداً والهادئة وبأسعار جداً مناسبة ارشح لكم فينيسيا للشقق المفروشة هاديه جداً .. المهم ان دسمان هو الخيار الأفضل والأرخص والأكثر هدوئاً من السالميه ولا تنسون قرب منطقة دسمان من اغلب الاماكن السياحية .. إذا فيه اسئلة اخرى حاضرين .. تحياتي

أحبك يا كويت
يعطيك العافية ،، وكم تقريباُ اسعار الشقق والفنادق في دسمان ؟ وهل يفرق السعر كثيراً عن اسعار فنادق السالمية؟؟ لاسيما وان احياء الكويت جميعها قريبة من بعض.

ابو عادل22
يعافيك ربي ابوعادل .. سبحان الله ماتتوقع شلون منطقة دسمان ارخص من السالميه بكثير رغم قرب دسمان من وسط البلد واغلب المرافق الحيوية الهامة بينما السالمية وسط الإزعاج وبعيده عن وسط العاصمة والأسواق المهمة كالمباركية وشرق والأبراج .. الغرف بشقق دسمان تبدأ من 15 دينار و 20 .. بينما بالسالميه من 24 لين 50 و 60 دينار .. لاتشيل هم السكن بتلقى كذا بناية متراصين يم بعض كلهم شقق مفروشة لابد ان تلقى بإذن الله سكن مريح وهادي ورخيص .. بالتوفيق

عندك منطقة دسمان مثل ما قال الاخ "احبك يا كويت"
و فيها عدد من الشقق مثل : فرح موتيل , الخ
وبعد
عندك منطقة بنيد القار
و فيها : خالد هاوس , حصه هاوس , اثينيه بلازا.. الخ
انصحك بقرائة هالموضوعين مكتوب فيهم عن شقق و فنادق الكويت و ارقام تلفوناتهم..
https://artravelers.com/p/re/222904

يعطيكم العافية ,, وماقصرتو

Hambka Q8
يعطيكم العافية ،، منطقة بنيد القار كم تبعد عن السالمية وكم عن دسمان؟

ابو عادل22
مع شارع الخليج العربي من السالمية لين دسمان تقريباً 8 - 10 كيلو فقط ، وبنيد القار بجانب دسمان وعموماً المنطقتين تجدهما امام أبراج الكويت .. تحياتي