السلام عليكم ورحمة الله وبركاته..
طبعا هذي أول مشاركه لي في هالمنتدى مع اني مشارك من متابع من زمان بس هالمره غير لأن راح أسافر بترتيب من نفسي..
طبعا هذي أول سفره لي للنمسا...
تاريخ الذهاب : 6 اغسطس الى 17 أغسطس
الذهاب على متن ( حلوه خخ متن ) Emirate airways
الدمام --------> دبي -------> ميونخ ( الله يستر أخاف من الألمان )
طبعا الفكره الخطيره من السفره كلها اني راح أستأجر سياره من ميونخ وبمشي بر ( حاس اني طالع من الرياض للشرقيه فله ) لين سالزبرج
بس مادري وش رايكم ؟؟ هل الطرق سهله والا يبيلها صحصحه وتمحص ؟ وخويكم راح يشتري قارمن مافي خلاف بس أنا شفت الخط في قوقل ايرث والله مشووار ؟؟ ساعه 45 دقيقه...المهم أبي رايكم سياره والا قطار؟؟
ثانيا راح نقعد حوالي 4 أيام في سالزبرج وبعدها ندحدر أما فينيسيا أو سويسرا ( أنا هنا برضوا محتار وش رايكم أي وحده منهم؟ )
اذا كانت ايطاليا طبعا راح أسلم السياره في سالزبرج وباخذ قطار لين فينيسيا وبقعد يومين بعدها قطار لين ميلان وكمان يومين...
طبعا المجموع 8 أيام باقي يومين بروح فيهم جنيف بس يمكن أزرق أنتر لاكن اذا أمداني طبعا أخطط أستأجر سياره في جنيف وان شاء الله يوم 17 أغسطس أطلع الى زيورخ وعوده الى الدمام...
اما اذا كنسلنا ايطاليا...بتكون الرحله من سالزبرج لين زيروخ وبنقعد فيها يومين طبعا وقطار لين جنيف ومن جنيف بأستأجر سياره وبقعد يومين وبروح أنتر لاكن وكمان يومين ونسلم السياره وقطار دايركت على زيورخ يوم 17 أن شاء الله....
هاه وش رايكم؟؟ ابن بطوطه بس بأحتراف...ياليت تشاركوني برأيكم وش ممكن أسوي وهل تخطيطي سليم؟؟
على فكره أنا رايح أنا وزوجتي ان الله أراد...
تحيتي القلبيه للجميع..