أصلاً لبنان كلها صغيره ... ولوسكنت في جونيه أفضل لأن السوليدير غالي بالعاده لأن اغلب الناس يسكنون فيه ....
والسواقين هناك على قفا من يشيل بس أنصحك أستأجر سيارة وفر ولف لبنان لأنك بتحس بطعم الرحلة أكثر ... وعلى فكرة فيه جهاز ممكن تشتريه فيه وصف لكل شئ ... وبعدين لاتخاف من الضياع في لبنان كلها صغيره وشوارعها سهله.

السلام عليكم ...
n888n / شكرا على الرد ، وكثير اللي نصحني اني اسكن في جونيه ، وانت قلت ان السوليدير غالي لان أغلب الناس يسكنون فيه ، وأكيد ماسكنوا فيه الا انه أزين صح ولا لا ؟؟
ومن ناحية السيارة ابغاها بسواقها احسن ، ابغى ارتاح من السواقه شوي ، وأبي اعرف كم تتراوح الاسعار
وياليت من باقي الاعضاء الكرام ينصحوني بأي منطقة اسكن والفندق ، وياليت اسماء المطاعم حتى لو كانت على الجبل ...
اتمنى من الجميع التفاعل ..........
وشكرا ،،،

السلام عليكم
اقترح عليك جونيه وستاجر سياره انت اوفر وافضل ما ترتبط مع سايق وتشيل همه بكل مكان
بتوفيق

.....السلام عليكم.....
انصحك بالسكن جونيه لانها ارووق واحلى بس مااعرف فنادق الاخوان انشالله يفيدونك اما المطاعم عندك مطعم دار الازرق بالجبيل روعه اكلات بحريه وعندك مانويلا بجونيه وبرج الحمام وفخر الدين برمانا

انا رحت ب 2005 انا بصراحه بصراحه عجبتني بالرغم ان كل الناس قالو لي ليش تودين زوجك هناك........انا سكنت بالروشه في فندق السفير ليلته ب 500 ريال او اكثر ولكن بصراحه مايستاهل بس يالله مشينا حالنا....لبنان حلوه بس اللي مخربها انهم مره استغلاليين وشايفين انفسهم على كذا يعني ممكن الواحد يجي يلمح لك بالشحته وهو مسوي انه مدير اعمال..........طبعا زوجي حرم نروحها مره ثانيه بسبب الاستغلال والبخششه..وانصحك اذا مابخششت في المطعم لا تروح له مره ثانيه..عندي معلومات كثيره عنها لاني احس اني انبسطت فيها بس زوجي للاسف لا وذكرت السبب........وانا في الخدمه

أسكن في جونية وتنقل على راحتك لبيروت و للجبل وكل شي قريب منك
وانا ما أنصح تستأجر سيارة إذا ما تدل هناك .. بالنسبة للسيارة مع سائق في واحد جيد
لكن ممنوع وضع الأرقام هنا .. ولا أتوقع ان الخاص مفعل عندك
بالنسبة لفنادق جونية في فندق جديد ومرتب و الغرف كبيره ومطل على البحر
الفندق أسمه البرنسيسة 4 نجوم ويفصله عن البحر شارع المعاملتين
سعر الغرفه ستاندرد المطله على البحر 75 دولار
سعر الغرفة سوبريور المطله على البحر 85 دولار
وهذي صورة للغرفة

واذا انت مصر على السكن في بيروت .. أنصحك تسكن في فندق مونرو
بالنسبة للمطاعم والمقاهي .. في كل زاوية تلقى مطعم ومقهى : )
و ياهلا بك