نشر في الكويت

السفر من الكويت

عبدالوهاب 24

24-07-2022 - 08:13 am

الإخوة الكرام في ساحة الكويت الحبيبة ..
أفكر بالسفر إلى ماليزيا أو جزيرة بالي من الكويت .. بعد نصيحة أحد الأقارب بالحجز عن طريق مكاتب السياحة و السفر المنتشرة لديكم حيث أخبرني أن الأسعار تفرق عننا بالسعودية الكثير ..
و بحكم ان لي رحم هناك .. قد تكون الفكرة مناسبة نوعا ما ..
ماهي المكاتب التي تنصحون بها .. ؟
و ماذا عن الأسعار .. لكل من جزيرة بالي و ماليزيا ؟
و هل تنصحون بالخطوط الكويتية .. أم لا ؟
حيث أني أفكر بقضاء ما بين 10 ايام إلى 14 يوم خلال إجازة الصيف ..
شاكر تجاوبكم مقدما .. أهل الكويت الكرام ..

التعليقات (8)

عبدالوهاب 24

24-07-2022 - 11:43 am

أخي رحال .. يعطيك ألف عافية على تجاوبك السريع ..
لكن ماذا عن الأسعار .. هل لديك أدنى فكرة ؟
4يوم في ماليزيا .. فنادق 5 نجوم .. كم بتكلفني ؟
نسيت اقولك ان اسمي ( عبدالوهاب ) مو ( عبدالعزيز )

مسافرة كويتية

24-07-2022 - 12:44 pm

السلام عليكم
انصحك بسفريات الدبوس او الفضاء في مجمع الدولية.
والخطوط الكويتية جيدة وحلوة والخطوط التايلدنية بعد حلوة
وانشالله اكون افدتك

مسافرة كويتية

24-07-2022 - 01:45 pm

نسيت اقولك ان شهر 6 تبدي عروض القروبات ( الرحلات الجماعية) والسعر يشمل التذاكر والاقامة والتنقلات والفطور . وهي عروض جدا جميلة ومناسبة

عبدالوهاب 24

24-07-2022 - 02:46 pm

الأخت الكريمة مسافرة ..
مشكورة على تجاوبك .. لكن ..
هل من فكرة عن الأسعار .. كمعدل عام ..
دمتِ بخير ..

دكتور*حشوه

24-07-2022 - 03:47 pm

اخ عبدالوهاب حياك الله ..
بالنسبه للسفر عن طريق الكويت جيد خصوصا اذا تجي الكويت بالطياره حتى تكون رحلتك ترانزيت فتطلع عليك ارخص بشرط ان تكون على الكويتيه لكنك انت تبي تحجز من عندنا فبالتالي اذا طلعت على اي من الخطوط الخليجيه ترانزيت يطلع عليك ارخص .. ولكن راي شخصي انا كنت اروح شرق اسيا على الكويتيه درجه اولى ولكن حاليا ما افكر اني استخدم الكويتيه ...
بالنسبه للمكاتب .. انا شخصيا ما احب التعامل مع المكاتب لان الانترنت اسهل واضمن وارخص وتشوف كل المميزات وتختار على عكس المكاتب .. ولكن ممكن تزور المكاتب في حولي شارع ابن خلدون او الكويت العاصمه في مجمع الدوليه بجنب مجمع المحاكم .. نصيحه احجز من النت ...
بالنسبه للاسعار في ماليزيا واندونيسيا تبدا الفنادق من 5 دنانير وفوق بالليله ولكن مكاتب السفريات معظم برامجها قروبات مشتركه وانا ما افضل هالنوع من الحجز ودايما ادور الفنادق الي ما يسكنها العرب والخليجيين لراحه البال وبعدا عن كل العادات المزعجه من ربعنا الله يهديهم .. لذلك احجز بالنت
بالنسبه للاسعار بدون تذاكر السفر عن تجربه شخصيه اسبوعين لشخصين بالغين متوسط التكلفه فنادق 5 نجوم ومنتجعات بحريه واكل ومواصلات بدون تسوق المتوسط 7000 ريال .. وانت واختياراتك

عبدالوهاب 24

24-07-2022 - 04:48 pm

دكتور*حشوه
اخوي الدكتور حشوة .. يعني انت تشوف ان الحجز عن طريق النت بالنسبة لخطوط الطيران و الفنادق اوفر من مكاتب الحجز ..
يعطيك الف عافية على تجاوبك ..

Hambka Q8

24-07-2022 - 05:49 pm

منتصف شهر 6 ينزلون عروض الصيف
فانصحك تنطر لي ذيج الفتره و تشوف العروض ^^

عبدالوهاب 24

24-07-2022 - 06:51 pm

Hambka Q8
أخوي الكريم راح انتظر لين شهر جون و الله كريم
شكرا على التجاوب ..

الكويت المسافرون العرب

السفر من الكويت