طيب رد واحد على الاقل !!!!!!!!!

احنا رحنا طيران داخلي من ماليزيا عن طريق اسيا اير لاين لكن الحموله هي 22 كيلوجرام للشخص الواحد ، الميزه سعر التذكره اقل تقريبا 34 دينار بحريني للفرد.
كثير 7 أيام في سنغافوره غالية وصغيره... واكل مو كل شي حلال ..من رأي تروحون ديرة ثانيه احسن ويقل التكاليف عليكم.
احنا رحنا اول ماليزيا وبعدها سنغافوره ورجعنا ماليزيا نكمل الشوبنق.
سوق الماركات غالية عن ماليزيا راعي التاكسي نصحنا ان نشتري من ماليزيا.
اماكن الترفيهه
يونيفرسال استديو سعر التذكره تقريبا 18 دنيار بحريني واطلبوا من التاكسي يجيب لكم التذاكر قبلها بيوم
وكذلك سنتوسا فيها حوض السمك - عرض الدلفين واشياء غير، احنا اخترنا حوض السمك تقريبا نص ساعه وبعدها على طول رحنا المطار كنا مسافرين بنفس اليوم الى ماليزيا.
أسالوا راعي التاكسي يساعدكم باختيار اماكن السياحيه.
رحلة موفقه وممتعه تحياتي

حبيبتي احلام - اتمنى لك رحلة سعيدة - سنغافورة وايد حلوة وانا متأكدة راح تعجبك بنظافتها وتعامل الشعب راقي - حبيبتي سنغتفورة شويه غالية انصحك فيها بس 5 ايام وعلى طول روحي الى ماليزيا - السكن في سنغافورة عندك فندق هوليدي ان اوتوم روعة وايد نظيف وراقي وقريب من شارع العرب شارع(اورشاد) تروحين مشي 5 دقائق الى شارع العرب وانصحك بالفندق في وحدة اسمها فيكي تهبل وعيالي وايد حبوها راح ترتب لك رحلة الى جزيرة سنتوزا يوم كامل تشوفين عرض الدلافين روعة - والنافورة الراقصة بس بعد المغرب شيء خيالي لا يطوفك وتشوفين عالم يحت الماء هذا كلة بالجزيرة فيكي راح تساعدك وتعطيم رقم سائق اسمة عمر واحد ثاني اسمة حسين مسلمين راح ياخذونك الى الجزيرة وتركبيت تلفريك علشان توصلين الجزيرة ///// ثاني يوم روحي الى نايت سفاري عجيب حديقة تشوفين الحيوانات تتمشى بس ممنوع تصوير الفلاش /////ثالث يوم روحي الى حديقة الطيور انا متأكدة راح تعجبك //////// رابع يوم تسوق الى شارع العرب والمجمعات عنك مجمع راقون كلة ماركات