نشر في النمسا

السفر مع قروب للنمسا

زوجة مي مي

28-10-2022 - 09:08 pm

هل يوجد قروبات للنمسا على كثر ماشفت مواضيع ماشفت احد مسافر مع قروب
بصراحة انا اعرف السفر الفردي افضل بس اول مرة اروح اروبا ومتخوفة من المواقف اللي راح تحصل خاصة ان مامعي لغة وما ابي استاجر سيارة فقلت السفر مع قروب اول مرة كتجربة وذلك لاختصار الوقت والجهد ؟؟؟؟؟؟؟؟؟؟
يعني من سافر مع قروب يعرض تجربته

التعليقات (5)

tab_el

29-10-2022 - 12:02 am

والله يا اختي مافي شي يخوف أبد كل شي سهل
يعني بالسيارة بالقارمن يوديكم وين ما تبون بدون خوف وبدون تعب وتمشون بالوقت اللي يعجبكم والتنقل بين الاماكن بالوقت اللي تبونه مافي شي يحدكم ترجعون بوقت معين
رتبوا جدول كل يوم الاماكن اللي تزورونها
بالنسبة للقروبات ماعمري جربتها
اي سؤال ثاني حاضرين

زوجة مي مي

29-10-2022 - 01:03 am

شكرا اخوي على الرد بس انا حابه اروح في قروب من عنده فكرة عن القروبات

رائد بومريم

29-10-2022 - 02:04 am

السفر الى النمسا مافيه شي يخوف
الديره امان ولله الحمد
اغلبنا كان رايح لاول مره واستاجرنا سيارة
وماصادفنا شي يخوف
بس قوي قلبك
وحتى لو مامعك لغة
بس شكلك مصمم على القروب
اتوقع المكاتب السياحيه ينظمون مثل هذه القروبات
اسألهم واهم بيفيدونك ان شاء الله
وان شاء الله باقي الاعضاء من جرب القروب يفيدك

oceanus

29-10-2022 - 03:05 am

الغي السفرة ولا اسافر مع قروب
وعلى فكره اذا كنتي في قروب
راح تحتاجي الى اللغة في كل لحظة

هاوية الاسفار

29-10-2022 - 04:06 am

بصراحه انا تعرفت على وحده كانت مع قروب من الكويت الحرمه ويا بنتها و شفتهم يسافرون كثير مع القروبات لانه الحرمه ما عندها حد تسافر وياه فاغلب سفراتها مع القروب بس للاسف ما تاخذين راحتج وايد عندج اوقات معينه تطلعين للرحلات و انتظار في الباص و فيه مساوئ كثيره فالافضل تسافرين بدون قروب عشان تتجنبين وجع الراس

النمسا المسافرون العرب

السفر مع قروب للنمسا