- ممكن نبذه عن كيفية السفر بالعائلله لها بيكون ممتع لهم او كيف !!
السلام عليكم
أحب أسال عن البوسنه والسفر اليها ..!
ممكن نبذه عن كيفية السفر بالعائلله لها بيكون ممتع لهم او كيف !!
1/ الفيزا قريت انو لازم عن طريق دعوه بما اني سعودي الجنسيه و لدي احد اصحابي في الجامعه بوسني وممكن اساله يعمل لي دعوه لي ولعائلتي او كيف ؟!
2/ ناوي اروح لها مع عائلتي وقريت كثير عن فنادقها أبي أسال اللحين عن اماكن الترفيه فيها بخصوص السفر ناوي على شهر يوليو من سنه 2013 يعني بالصيف الجاي ان شاء الله كيف بيكون مناخها بشكل عام و ممكن أحصل الثلوج على الجبال او تكون هناك رحلات تزلج ؟! و البراشوت و القوارب المطاطيه و الشراعيه و غيرها كيف بيكون نظامها متواجده هناك ؟؟! واماكن سياحيه من حدائق و ملاهي ترفيه و رحلات صعود جبال و اماكن ترفيه للاطفال من سن 6 سنوات الى سن تقريبا 10 سنوات ..؟!
3/ هذي الرحله بتكون الاولى للبوسنه اتمنى اكبر قدر من المعلومات مابي ابدا اندم على لحظه وحده كنت فيها بالبوسنه و كيف اخلاقيات الشعب و لبسهم مثل الدول الاوربيه من عُري و قلة ادب أو محافظين نسبيا ً..؟!
4/ حنا عائله متكونه من 6 افراد فوق سن 15 و طفلين في عمر اقل من الخمس سنوات و كمان 10 و 6 سنوات , و الحمد لله الجلوس معاهم بشكل عام ممتع يعني ابي اماكن ريفيه و بيوت كمان ريفيه نظامها حلو و احصل مزارع بها حيوانات اليفه و حدائق للورد ابي ابعد عن المدن باكبر قدر يعني مارح اطول لما اوصل للعاصمه يومين واطلع لمكان ريفي ممتع ايش تنصحوني فيه ..؟!
5/ أخر شي الرحله بشكل عام للعائله المكونه من 10 او 11 فرد كم بتكلف بالرياال السعودي من حجوزات بالفنادق تقريبا لمده من 15 يوم الى 20 يوم و الرحلات بالطائرات و الاماكن الترفيهيه الموجوده هناك يعني بتكون في حدود ال30 الف او اكثر او اقل لاني سمعت البلد فقير نسبيا و ماديته رخيصه وايش افضل مده اقامه فيها وايش الاشياء اللي اراعيها هناك و ممكن اطلع منها لدوله ثانيه يعني اظلع بعد 10 ايام بالبوسنه للنمسا و اجلس فيها 5 ايام و ارجع للبوسنه ولا لازم فيزا كمان للنمسا وحوسة هالاشياء ........؟؟!
بشكل عام ابي معلومات غير عن اللي قريتها بالتقارير لاني مالقيت لحد الان شي يحمسني صدق او يخليني اتخذ قراري للمغامره هناك بالعائله .............!
شكرا لكم اثقلت عليكم للاسف
موفق