السلام عليكم اعضاء المنتدى
انا ان شاء الله رايحة مع اختي وولد اخوي بقروب لفيينا وزلمسي وميونيخ على 18/7 اسبوعين وكلنا بسن فوق 22 .
وبنقعد بفيينا 6 ايام تقريبا والسفريات بتودينا بفيينا لمغارة هتلر ومنتزة لكسمبورغ والتجوال بالقارب الكهربائي وقصر شامبروم وماريا هلف ومدينة براتا وزحلاقيات سانت كرونا .
اما في زلمسي فان شاء الله بنقعد 5 وبيودونا لرحلة الثلج بجبل كابرون وجولة الى الشلال ولبحيرة زلمسي ورحلة مغارة الملح (قطار -سينما-زحلاقيات) وبحيرة كونج سي.
اما بميونيخ فان شاء الله 4 ايام و بنسكن بهوليدي ان سيتي سنتر وبيودونا لرحلة الثلج في قارمش وسوق بس
فشاريكم بالاماكن بالمدن كلها تسوى نروحها معاهم وحلوه يعني لعمرنا؟ علما ان عمري انا 29 واحب اشوف اشياء وناسة وغريبه بس مو تراثية ومتاحف يعني اللي ذكرته كافي عن المتاحف والاثارو لاني اول مره اروح اوروبا ونصحوني صديقاتي بمدينة العاب فانتازيا بالمانيا وايد وودي اروحها لاني بخاطري اروح ملاهي بمستوى والت ديزني صج بخاطري وهل ملاهي براتا اللي بفيينا نفس مستوى فانتازيا بالمانيا ووالت ديزني ؟
وشكثر تبعد فانتازيا من فندق هوليدي ان سيتي سنتر وتسوى اروحها؟ او اذا تعرفون مدينة ملاهي بنفس المستوى اقرب منها على فندقنا شنو اهي ووين اروح بعد اماكن حلوه غير اللي ذكرتهم من ضمن برنامج القروب بفيينا وزلمسي ؟
وشكرا مقدما بس عن الطواله ها