- المقترح ان تكون السفرة بجون او منتصف جون
بسم الله وبه نستعين
السلام عليكم ورحمة الله
زوجي عنده عدة كورسات في اماكن مختلفة بامريكا راح تكون كالتالي :كورس لمدة اسبوع في سنسناتي باوهايو , كورس لمدة اسبوع بمتشغان , كورس اسبوع بهيوستن في تكساس.. والمتوقع ان تجي بعد كورسات اكثر باماكن مختلفة..
وعندي اطفال اعمارهم 6 , 2, 1....ابي اعرف رايكم بالمخطط الي انا اقترحته على زوجي...
1) اول شي نروح لندن ونجلس فيها ليلتين (نرمي شوي من تعب المشوار لان لو كان دايركت بيكون متعب مع الاطفال ..وفرصة نرد الروح بهوا المحبوبة لندن)
2) لندن -نيويورك .. نبقى فيها 3 ليالي وناخذ رحلة الى شلالات نياغرا
3)نيويورك -سنسناتي ..بالسيارة لمدة 8 ساعات والاقامة فيها 6 ليالي بشقة مفروشة ( مع خيشة رز) عشان نطبخ الكبسة لان اولادي سعوديين مية مية اخاف يصير فيهم شي لو بقوا كل هالمدة بدون رز
4) اوهايو - ميتشغان بالسيارة مدة 3 ساعات تقريبا والاقامة لمدة 6 ليالي في شقة مفروشة
5) ميتشغان - هيوستن طيران داخلي عن طريق برايس لاين( شفت رحلة مع ون ستوب بشيكاغو مدتها 7 ساعات ..ينفع ناخذها ونطلع برج سيزر ونرجع مرة ثانية المطار ونطير لهيوستن ولا مايمدي الوقت؟؟ ((ادري طماعة ما يحتاج تقولونها)))
الاقامة بهيوستن لمدة 7او 8 ليالي في شقة مفروشة
6) اخر شي هيوستن - اورلاندو ... اسبوع او اقل وناخذ شاليه ونروح لديزني
طبعا زوجي المصون رافض الفكرة ويقول لي الدعوة فيها حفاظات وحليب وعربة اطفال وبكا ونوم وعفش
اقترح علي ان نروح دايركت لهيوستن ويجلس معنا اسبوع ياخذ الكورس وبعدين يتركنا لمدة اسبوعين يروح يخلص كورساته وابقى مع اهله الي عايشين بهيوستن ولما يخلص يجي لنا ونروح اورلاندو ...بس يحلم..رجلي على رجله..
قولوا لي انتم وش رايكم؟؟ معاي ولا مع زوجي؟؟
المقترح ان تكون السفرة بجون او منتصف جون
وعندي امل من الحين للصيف بعلم ولدي عل الحمام يعني بيكون رجال وبنشيل عنه الحفاظة خ
ويقول زوجي اني راح اطفش مع الاطفال لان بيكون اغلب اليوم بالكورس واذا رجع بيكون متأخر وبيذاكر وبينام بس انا اقوله ما علي منك لاني قد رحت معه كورسات باوروبا ويكون كذا طول اليوم بالكورس وانا اطلع واتسوق واتمشى ولغتي كويسة يعني ما اتعطل لو ماكان معاي بس هو يقول لي امريكا مو متوفر فيها المترو بشكل كبير مثل اوروبا واذا فيه باصات في اوقات محددة ومستصعب فكرة السفر بالسيارة لمدة 8 ساعات مع الاطفال
قولوا لي يسوى اشيل قشي واروح معه ولا اجلس ازين لي ولعيالي؟؟؟
وبالنسبة للفيزا اي اسهل عشان تطلع نطلب خطاب من الشركة الي بتعطي الكورس ولا من اخو زوجي الموظف بشركة ارامكو في هيوستن ؟؟؟
ادري طولت وقلت قصة حياتي بس يمكن زوجي اذا شاف ردودكم يتشجع
هالله هالله بالردود الي تعجبني
اذا زوجك يقول ان كورساته مهلكة وما يرجع الا متأخر
فأنا معه انكم تجلسوا في هيوستن !!
صحيح امريكا مو مثل اورويا المتروا يخدم
مافيها متروا في كل المدن !! وغير كذا التكاسي غالية والمشاوير كثيرة اذا اخذتي الاطفال بيكون تعب عليكي !!
خلوا الخطة الاولى مع ابقائكم في هيوسن ومن ثم اورلاندوا افضل !!
بالنسبة للفيزا تطلع لكم سياحية لاا دعوة ولا شي !!
اهم شي تبكروا في اخذ موعد للسفارة علشان المقابلة لان المواعيد متأخرة !!
اتمنى لكم التوفيق