هلا فيج ..
يوربا بارك الملاهي بعيده من جميع المدن المذكوره.. ممكن استبدالها اذا معاكم اطفال بملاهي ليكو لاند ...
المخطط بشكل عام جيد جدا .. اذا معاكم سياره ...
الفنادق غارنش تجربتي هنا بهذين الفندقين
https://www.booking.com/hotel/de/atlas-grand.html?aid=1300939
زيلامسي هنا
https://artravelers.com/p/re/354556
سالزبورخ هنا
https://artravelers.com/p/re/330555
ميونخ غاليه جدا بتوقيتكم ... بسبب مهرجان لديهم لهذا شوفي هذوله الفنادق الجيده جدا
https://www.booking.com/hotel/de/eurostars-grand-central.html?aid=1300939
في فنادق اخرى كثيره بس شوفوا هذوله بالاول ... لو تقللون يوم من ايام غارمش واتضيفونه بزيلامسي
تحياتي

ماقصرت الطيب معلومات قيمة...الله يجعلها في ميزان حسناتك

انا مع تقليل الايام في جارميش .. صراحه اشوف يومين كفايه او يوم ..
تجربتي في جارميش ..
نحن سكنا في ميونخ وسرنا بالسياره جارميش بس ساعه ونص في السياره سرنا من وقت الصبح ورحنا المارين بلاتز الي هناك .. وكان كله فنادق ... ... وبعدين سرنا وين الثلج وركبنا التليفريك ... ... وتمينا لين الظهر وبعدين رحنا مزرعة الفراوله وكلنا فراوله لذيذه .....
بعدين كملنا الجوله في المارين بلاتز مال جارميش محلات وكافيات وايس كريم لذيذ ...
.. وشي حديقة حيوانات هناك دخلناها بس ما تغدينا وعلى طول رجعنا ميونخ وتغدينا هناك ... انا اشوف يوم كفايه لانه مافيها شي ....

بنت_ أبوها
بنت ابوها اذا ماعليج امر بس وين تصير مزرعه الفراولة؟
شكثر المسافة من سنتر قارمش لها مع العلم ماعندنا سياره
لان ناوين نروح لقارميش بالقطار من ميونخ روحه ورجعه بنفس اليوم
واي صح مادري اذا تعرفين اهي تكون مفتوحه في شهر نوفمبر؟

ثلوج بارده
مرحبا رحلة موفقه ان شاءالله ...
صراحه ماعرف اذا يفتحوون في شهر نوفمبر بس اتوقع بتكوون متجمد لانه في الصيف وبررد ..كيف في الشتاء ..
عن مزرعة الفراوله...
نحن رحناا بالسياره .. بس ابد ماتضيع بالضبط قبل ماتوصل جارميش المارين بلاتز "سوق مدينة جارميش" بتكون الحديقه على ايدك اليمين .. ولو فاتتك بتلاقي حريم بعرباات واقفين يبيعون ...
انصحك بالفراوله لذيذه ..
انصحك انك تاجر سياره في السفر صدقني بتحس بمتعة السفر ... ولو ماقدرت اجر تاكسي يويديك ويرجعك علشان تتمشون في المدينه كامله وتروحون البحيرات

بنت_ أبوها
مشكوره حبوبه ماقصرتي والله
وان شاء الله نلاقي مزرعه الفواكه موجوده بشهر فبراير
عاد انا امووت عالفراوله
وبالنسبة للسيارة والله انا ودي نأجر بس زوجي الله يهديه متخوف من هالموضوع
على العموم ثانكس

كلامكم رائع وحلو،،،لكن عندي استفسار بسيط ايهم افضل نروح لجارمش بواسطة التاكسي ام القطار؟؟؟؟
الشيء الاخر وهو الافضل اخذ التاكسي من موقف التاكسي اللي عند بوابة المحطة الرئيسية ام من موقف اخر؟؟؟
وعلى فكره مااتوقع اننا نحتاج سيارة في جارمش؟؟؟؟هل هذا صحيح بحكم اننا نحب نتمشى فيها بدون سيارة... وتحياتي لكم جيمعا

حلم الغرام
مرحبا .. حلم الغرام ..
من تجربتي انا افضل شخصيا التاكسي ... والافضل اخذه من موقف القطار وتقوله اريدك توديني وترجعني واهم شي انك ادل الطريق ... وتعرف جارميش مارين بلاتز ....
السبب في اختيار التاكسي... اول شي صعب جدا انك تتمشى في المدينه وخصوصا لو رحت الثلج وبعدين تريد ترووح مزرعة الفراوله والمارين لانه الشارع طويل وكله شجر واحس انه خطير .... فانا اشووف بالسياره وايد احسن وصدقني بعد ماتروح فوق الثلج وتلعبوون بتكونون تعبانين بعد بتمشي لا ...
يمكن شوي مكلف بس انا اشوف برنامج ليوم كامل حلو مستحيل تنسونه ....
ليش ماتأجرون سياره ترى وربي سهله سهله سهله سهله سهله .... بس عليك تحط العنوان ... العنوان بتاخذه من الفندق او من الحين تسوي بحث في الانترنت وتجهز عمرك....
بالتوفيق

ثلوج بارده
وبالنسبة للسيارة والله انا ودي نأجر بس زوجي الله يهديه متخوف من هالموضوع
على العموم ثانكس
ردي السلام عليه وقوليله ترى السواقه سهله ... اخويه كان خايف ويقول نخاف نتمشكل بس والله انه محد وقفنا ولا قال انتوا من وين ... عندهم السياقه فن وذوق واخلاق والالتزام اهم شي ....
اللي يريد الاستمتاع عليه بالسياره .... تروحون النمساا (زيلامسي و سالزبورغ ) كله موجود وسهل