الله يعين ....... انصح تاخذون معاكم احد يساعدكم الخادمه مثلا وتسكنون بشقه ....... واذا تقدرون تخلونهم احسن بالنسبه لاحسن عمر ........من 3سنوات واكثر وبالتوفيق

عنود الرفاع
وعليكم السلام
هلا وغلا ..
الله يطرح في الأطفال البركه ويجعلهم عون لكم يوم القيماه ان شاءالله ..
السفر معاهم حلو ومتعب في نفس الوقت إذا كان الطفل صغير نفس الي عمره 4 شهور ولكن دام المربيه موجوده وانتي واثقه منها فتوكلي على الله ..
ومايحتاج اتأجلين دام المربيه معاكم ..انتي امسكي الكبير والمربيه تمسك الصغير ..
وبليل خلوهم اينامون بدري وخلوا الخادمه عندهم وانتي اطلعي مع ابوالعيال وتعشوا في مكان هادي وحلو ( بالعربي رومنسي )
أما أفضل الأعمار فأعتقد الي عمره سنه و3شهور فهذا راح ايكون ملح السفره ..ولاتنسين إذا رحتوا الهايدبارك عند البحيره اخذوا معاكم خبز وخلوا الولد ايقطعه ويعطيه البط وانتوا صوروه
أما السكن فأفضل شقه عشان ايكونون الأطفال قدام عينكم ..لأنكم لوا سكنتوا فندق راح تضطرون اتنامون انتوا في غرفه والأطفال والمربيه في غرفه ثانيه لأن الفندق مايسمح انكم تسكنون كلكم في غرفه وحده إلا إذا كان سويت والسويت غالي واجد ..
واي خدمه احنا في الخدمه ..

الف شكرا لكم ماقصرتو
اخوي القطري ممكن تعطينا اسماء شقق تكون فخمه ومكانها مناسب واسعارها مو مبالغ فيها احنا بالعاده ننزل دايما في تشرشل نبي شي قريب من هالمنطقه او اي منطقه تحس انها قريبه من المحلات المهمه خاصه وانت عارف حالتنا
على فكره ترا انا اهتم في عيالي فتره الليل كفايه عليهم المربيه وقت النهار خ اخاف تسوي فيهم شي خصوصا الولد الكبير لانه متعب الله يحفظه انت عارف هاذي سن الاكتشاف كل شي يبي يلمسه وهذا اللي مخلينا نتردد مدري وشلون بيصبر في الطياره

هلا اختي العنود ..
الحجز بيكون عن طريق النت ولا مكتب سياحي !!

اولا قبل كل شيئ الله يعين على الاطفال
ثانيا : انا ارشح هالشقق من ناحية الفخامة والموقع الراقي طبعا هي في الماي فير
http://www.carltoncourt.com/intro.html
اتمنى ان تكون في مستوى الفخامة المأمول .... رحلة موفقة .... تحياتي .. scott

اذا كان فية مربية عادي حبيبتي روحي وانبسطي
خذي عربية اللي يجي فيها مقعدين بتريحك مرة بس لاتخذينها ورا بعض خوذيها جنب بعض
والله يسهل لكم ان شاء الله

القطري افضل عن طريق مكتب احس بيكون اضمن لكن اذا عندك موقع موثوق فيه مافيه مانع نحجز عليه ليش لا
scott شاكره لك مساعدتك اخوي
حبيبة زوجها مشكوره حبيبتي بس فيه مشكله بالعربيه اللي اقترحتيها لوول ولدي الكبير ماراح يخلي الصغير في حاله انتي عارفه هاذا سن الاكتشاف وكل شي يبي يلمسه الله يعين

احتمال هروب المربية كبير لانها تحلم توصل بريطانيا وانتم وصلتوها بعدين اذا معك اطفال في بريطانيا كل شي يسهلونه لك في الباص في الترين الناس تبسمك لكم يعني مش بطال الوضع بس وش جنسية المربية عشان اعطيك توقعي هل بتهرب منك في بريطانيا