عليكم السلام ورحمة الله وبركاته
اول نصيحه تاكد من السياره لان الطريق نوعا ما مقطوع وخلك سفرك في النهار لوجود حيوانات في الجانب السعودي وايضا لكثرة الشاحنات
السكن ... انا مثلك ادور سكن والسكن عموما غالي في قطر يعني مثل دبي
الميزانيه تعتمد علي حسب سكنك ومصروفك اليومي
يمكن الاخوان في قطر يفيدونك لاني مثلك زائر
بس شوف موضوعي عن الفنادق يمكن يعجبونك
انت مسافر في عطلة المدراس ؟ بعد اسبوعين ؟ لانه اتوقع يصير شوي حركه في الفنادق بسبب الاجازات عندنا
بالتوفيق وعطنا اي شي جديد في الموضوع نستفيد ايضا
مع الشكر

Guess-Who-Am-I
اول شي اتنور الدوحه بوجودك
نصايحي انك اتسوق بنهار وانتبه بدرب لان الشوارع لك عليها ومن غير الشاحنات
الميزانية على حسب يعني انت بسيارة يعني مافي تذاكر طيران بس لو بتحسب معاي
لو قلنا السكن ب 500 ريال بليلة يعني 5 ليالي 2500 ريال
وبنسبة للمصاريف في الدوحه فهي على حسب دام عندك سيارة معناتها مابتحتاج اتاجر او تاخذلك تكسي
بس ممكن اتكون مصاريفك على الاكل والشرب والالعاب للطفلا والسينما لو حبيتو اتشوفون لكم فلم
يعني ممكن لو انقول 500 ريال بليوم يعني بعد 2500 ريال
يعني اتوقع بين ال 5لالف الين ال 10 الاف اتوقع راح اتكفيك واتزيد بعد وانت جيب الي يكفيك ويزيد ماتدري بظروف صح
وبنسبه لطريق مثل ماقلت لك انتبه وتوكل على الله
والسكن افضل تحجز قبل ولو عن طريق التلفون
ونصايحي اتزور الاماكن السياحية مثل المجمعات وسوق واقف ومتحف الفن الاسلامي
وبعد تاخذ لك لفة على هلقسم وبتحصل لي ردود وايد عن اماكن السياحه بقطر من غير مواضيع الاعضاء هنا
وطريق البر مايخوف بلعكس
واتمنى لك اقامة سعيدة
واتمنى اني ساعدتك ولو بلقليل
واي سؤال انا بلخدمه
تحياتي

@بوسيف@
السلام عليكم..
الله يعطك لعافيه على النصائح..
ان شاء الله اتقيد فيها ..واكيد ان شاء الله السفر بيكون بالنهار..
كيف الطريق مقطوع؟؟يعني كم بين المحطه والمحطه .. للبنزين مثلا؟
تخطيطي ان شاء الله راح يكون عد عطلة المدارس .. الحمدلله ماعندي احد يدرس
مره ثانية مشكور وماقصرت..

حلو ومدلع
اخوي مدلع ..
بخصوص الأسعار .. هذي للفنادق .. او الشقق المفروشه..؟ياليت توضح..
بخصوص الشقق المفروشه بحثت في الموضوع المثبت بس ماحصلت الشقق .. نصيحتكم..مو اقل اسعار من الفنادق وأوفر؟
مشكورين جميعا..

Guess-Who-Am-I
العفو اخي الكريم
شوف اخر محطه وانت طالع من الاحساء عبي فل واول ماتوصل الحدود عبي فل لان داخل قطر يمكن فيه محطه وحده والطريق مو طويل لكن احتياط احيانا محطات الطرق تكون مافيها بنزين والبنزين في قطر غالي (يسمونه بترول عندهم
واسعار فنادقهم نار شابه :112: يعني ابو 300 او 400 ماتحصل الله يعين