ابو الشباب
04-03-2022 - 05:23 am
والله انا من المعجبين بهذا المنتدى الرائع .. واشكر جميع القائمين عليه ...
لكن انا عندي بعض الأسئلة >>>>> بدينا الغثة
ما عليش تحملوني .. انا ان شاء الله ودي اسافر بالعائلة لسوريا ..وكنت محتار بين سوريا وبين صلالة في عمان ..
سفري راح يكون بالطائرةالى القريات.. ثم بالسيارة الى الاردن ثم سوريا ..
السؤال ؟؟ كيف الطريق من الحدود الى الاردن وسوريا وكم كيلو الى سوريا ؟؟ واجراءات السفر على الحدود .. يعني يمشونك بسرعة والا يلطعونك بالساعات ..
ثانيا كم المسافة بين لبنان وسوريا.. وهل الخط مريح ...
وهل تنصحوني بالسفر بسيارتي .. لان معي اربع اطفال .. الكبير عمره 13 سنه واصغرهم عمره 3سنوات..
والسؤال الاخير كيف الجو في سوريا في نصف اغسطس..
وبارك الله فيكم ..
مشرفنا والله ،،،،، وحياك معنا .
وسفر سعيد ،،،،،،
الطريق من القريات مرورا بالاردن الى سوريا مش بطال يعني حلو ، بس جمارك الاردن تعقيد على الفاضي يلطعونك والله يعينك ، لكن ربعنا السعوديين والله والنعم اجراءات على طول ، والسوريين والله طنات .
ومن القريات الى سوريا مرورا بالاردن تقريبا حوالي الساعتين والنصف بالسيارة.
المسافة بين دمشق وبيروت قرابة الساعتين بالسيارة وحدودهم متلاصقة .
والسفر بالاطفال متعه ، ومن لك غيرهم وبالعكس اغلب السعوددين يسافرون بسيارتهم وبالذات العوائل ، ويتركزوناكثر شيء ببلودان والزبداني .
الجو في اغسطس حلو : في دمشق حار طبعا درجة الحراة 37 الى 38 درجة مئوية ..... المناطق خارج دمشق حلوة من 28 الى 30 درجة مئوية .
والمناطق المرتفعه كصلفنة والكسب فهي باردة .