fawazzz_q8
17-09-2022 - 10:55 am
السلام عليكم
اود ان اعرب عن شكري لهذا المنتدى الحلو
انا متابع قديم جدا ولكني لااشارك بالمنتدى لاني بحياتي ماسافرت فقلت اترك المجال للمسافرين يتكلمون
المهم انا قررت اسافر لتركيا برا
وطريقتي اروح بباص نقل جماعي من الكويت الى سوريا وياكثر المكاتب اللي بالكويت اللي تنقل الى سوريا برا
بعدها اروح حلب ومنها ادش على تركيا بالقطار
بعدها راح استعمل سكك الحديد الى اسطنبول طبعا حددت اماكن الهوستيلات اللي راح اسكن فيهم واسعارهم حلوة ( بحدود 10 يورو للسرير ) وشفت صور الهوستيلات بالنت اشكالها نظيفة
وراها بروح ازمير
ووراها بروح سيلكوك
ووراها بروح دينيزلي
وبعدين برجع بالقطار الى سوريا فالكويت
طبعا مومتفق مع اي مكتب انا بروح بروحي جذي وناوي اقعد شهر كامل ( حدي متهور
طبعا هذي اول سفرة لي حق تركيا بس معاي خرايط عن سكك الحديد والمناطق ( خرايط تفصيلية )
المهم ابي مشورتك الله يرضى عليكم وماخاب من استشار
1 - شنو رايكم بطريقتي في السفر ؟ ( لاني احس انها غريبة ومحد سواها قبلي )
2 - اذا احد مجربها ياليت ينصحني نصيحته النهائية
3 - تعتقدون كم التكلفة النهائية ؟ مع العلم اني ابي اعيش بسيط ومثل ماقلت لكم اسعار السكن رخيصة ماتتجاوز بالليلة 10 يورو
4 - اللي راح من اسطنبول الى ازمير ياليت يحدد احسن طريق بالبحر او بالباص او بالقطار ونفس الشي الى سيلكوك وبعدها الى مدينة دينيزلي .
وترى انا حاط املي عليكم كلامكم راح يحدد اسافر بهالطريقة ولا لا ياخبراء تركيا واتمنى ماتردوني
بالنهاية اجدد شكري لكم وموفقين
