وعليكم السلام ..
الاجواء جميله مائله للبروده وخصوصا ليلا وبالريف بس مقبوله .. ..تأجيل السفر الى منتصف شهر 5 شيئ ممتاز
الميزانيه تختلف على حسب نوعية السكن وسعر التذاكر .. انت كم ميزانيتك هذا الاهم ..؟؟

ali_q8_77
تقريبا الميزانية من 20 الى 25 الف ريال..
التذاكر كم ممكن تكلف..؟؟

حياك الله ..
التذاكر على حسب العروض حاول تحجز من الان حتى تحصل سعر جيد حتى نخفف من الميزانيه ..
وانصحك بتقليل المده الى 12 يوم .. لانه احتمل تحصل التذكره بحدود 3000 الف ريال للشخص على المارتيه او القطريه .. شوف الاردينه او المصريه ممكن ارخص .
خط السفر ممكن فينا 4 ايام زيلامسي 3 ايام سالزبورخ 3 ايام وميونخ يومين للتسوق وزيارة المعالم القريبه

مشكور أخوي ..
بس من اطلاعي على تقاريرك و مواضيع الأعضاء حددت خطة السير كالتالي.. وابغى اخذ رايك فيه..
فينا 3 ايام " الوصول"
سالزبورخ 2 يوم
زيلامسي 4 أيام
ميونخ 2 يوم " العودة "
وممكن اضافت انسبورك اذا هي تستاهل..

مخططك جيد .. بالنسبه للميزانيه 25 الف .. توكل على الله .. انسبروك حلوه وتستحق الزياره وممكن تخصص يوم كامل لها من زيلامسي اتروح لها بالقطار مباشر لمدة ساعتين تقريبا .. تطلع من الصباح وترجع على اول الليل
بالتوفيق

ali_q8_77
يعطيك العافية أخوي .. الله يجزاك الجنة .. ماقصرت..
معليش لو ممكن تساعدني في الفنادق ..
ابغى فنادق 4 نجوم وممكن 3 نجوم (لشخصين) بس تكون جديدة والأهم نظيفة وخدمتهم ممتازة ..
"500 أو600 باليوم"
وبالنسبة ل زيلاماسي هل فيه أكواخ صغيرة أو مزارع "للسكن"
"ودي أعيش فيها الحياة الريفية .."
وبالنسبة للسيارة من وين ناخذ الرخصة الدولية للقيادة..
وهل تفضل تأجير سيارة من أول يوم "نستأجرها من فينا ونسلمها في ميونخ",
أو يكفي استئجارها في زيلاماسي وباقي الرحلة يكون التنقل عن طريق الباصات والقطارات..
وجزاك الله خير ..
وآسفة عالإزعاج..

حياك الله .. بالنسبه للاجاوه الدوليه الي اعرفه انها تستخرج السعوديه من المكاتب الكبيره النختصه الاسم بالظبط ما اعرف.. لكن بسألك ان شاء الله ..
اما بخصوص التأجير السياره بعد ما تنتهي من فينا تذهب الى سالزبورخ بالقطار وبعد ما تطلع من المحطه تذهب الى الفندق المختار وبعد ما تستلم الغرفه تأخذ تاكسي الى مدينة فريسلانق المانيه القريبه من سالزبورخ بحدود 8 كيلو في مكتب اسمه سيكست تستلمه وترجع .. وهذا موقعهم بس لا يكون يوم سبت او احد للحجز هنا ( هنا http://www.e-sixt.com/)وترجعها اول يوم وصول الى ميونخ او بأخر يوم على حسب حاجتك لها ..
اما بخصوص الفنادق .. انت تامر بس انا بكتبلك 4 نجوم بكل مكان واستبعد 3 نجوم
اما بخصوص زيلامسي ما طلبته .. صعب خصوصا انا اغلب البيوت او الشالهيات تأجر اقل شيئ اسبوع .. افضل لك تسكن بفندق وبالسنتر
انا بنتظارك

يعطيك العافية..
طيب ممكن تزودني بأسماء وروابط الفنادق والشقق الفندقية بكل المدن "وأيهما تفضل للسكن في كل مدينه"..
وين تفضل يكون السكن بفينا وسالزبورغ وميونخ بالسنتر ولا لا..
"قريت عن الهيليتون بفينا وش رايك فيه من ناحية الموقع والسعر"
وهل سالسبورغ تأجير البيوت فيها نفس زيلاماسي " أسبوعي"
ومعليش بسبب كثرة المعالم وجداول الزيارات المقترحة صار عندي شوي التباس..
فإذا ممكن تعطيني أهم المعالم لكل مدينة "جدول مقترح لزيارة المعالم المهمة بكل مدينة" ..
عذرا عالإزعاج..
وجزاك الله خير..

ali_q8_77
مدينة فريسلانق .. ممكن تعطيني اسمها الانجليزي "الاسبلينق"
>>لأنو لما دخلت الموقع طلع لي اسماء متشابهه وماعرفت السبلينق تبعها