عندك 17 ليله
يفضل يكون المخطط كذا
ميونخ وصول فقط - 3ليالي سالزبورغ - 7 ليالي زيلامسي - 3ليالي قارمش او فوشن - 4ليالي ميونخ
يفضل تستاجرون سياره وتستلمونها من مطار ميونخ خصوصا اذا كنتوا عائله كبيهر احنا نستاجرها من المطار ونسلمها بالمطار بالرجعه
في ميونخ وسالزبورغ تحتاجين فنادق مكيفه
اما في زيلامسي او كابرون وفي قارمش ماتحتاجين والافضل شقق او فلل
الاكل انا واهي ناخذ شنطه كبيره في اغراض الفطور والرز والمكرونه والملح والبهارات واكثر الاشياء اللي نحتاجها
لان مو كل شي تبغينه تلقينه هناك وناخذ قدر الضغط بس نسكن في شقق ما عدا في سالزبورغ سكنا بفندق لان ما فيه شقق حلوه وفيها مكيف

شكرا بنت حواءلى تفاعلج ، وعندي بعض الاستفسارات :
1- أنا أفكر نرتاح ليلة في ميونخ وبعدين ننطلق ، وين تقترحين نحجز لليلة واحدة
2- بالنسبة لتأجيرالسيارة ، نحن مجموعة من 10 كبار و 5 صغار ، وافكر ناخذ فان ، انتي من اي مكتب تنصحيني احجز في المطار ، وهل أحجز قبل ولا لما أوصل المطار وشو الاجراءات .
3- من خلال تجربتج عطيني اسماء الشقق .
4- هل تنصحيني بأن آخذ معاي معظم الأكل
وشكرا

اذا وصولك متاخر الى ميونخ ممكن تسكن في فندق قريب من مول اركادن ومنها تقضون وقتكم هناك
ولكن موضوع انكم 15 شخص ما في سياره واحده تكفيكم اكبر شي 9 اشخاص فقط لاغير والعدد الاكبر لازم باص
وانتوا اكيد عندكم اكثر من رجال يسوق خذوا سيارتين او اذا ما تقدرون ولازم كلكم مع بعض معناته لازم باص يسواق وهذا مكلف جدا
وبما انه عددكم كبير كذا ماشاء الله لازم نقلل تنقلات
انت خلي السكن بعدين اول شي لازم تحل موضوع السياره وبعدين المخطط وبالاخير السكن

عيل بنت حواء بناخذ سيارتين بس من وين تقترحين وهل احجز قبل

خذوا فان يكفي 9 اشخاص وفان ثاني يكفي 6 اشخاص
وافضل تاخذون معاكم من بلدكم كل شي تحتاجونه خاصه اغراض الفطور والمعلبات والرز والمكرونه وغيرها من الاشياء المهمه
المخطط اذا تبغون تريحون
اذا الترانزيت مو طويل نصيحتي لكم كملوا مباشره الى سالزبورغ 145 كلم انا العام الماضي عائله 9 اشخاص وكان الترانزيت ساعه وكملنا الى سالزبورغ
ميونخ وصول فقط - 3ليالي قارمش او فوشن - 7 ليالي زيلامسي - 3ليالي سالزبورغ - 4ليالي ميونخ
المسافه من ميونخ الى قارمش 90 كلم والى فوشن 132 كلم اللي نلقى فيه راح نحجز لان الحين الحجوزات صعبه وانتوا تاخرتوا كثير وانتوا عائله ماشاء الله بس الله يسهلها
لازم في كثير من الاحيان تنقسمون لان الخيارات اللي تكفي 15 شخص قليله جدا ومو متوفره دايما
ممكن ناخذ لكم فلتين او شقتين جنب بعض وخصوصا في زيلامسي او كابرون
انا اقترح تستاجرها من سكست عندهم فان كبيره جدا ويكفي عدد كبير من الشنط من شركه فوكس واجن ممتاز جربناه الصيف اللي فات قير عادي وديزل واستلام وتسليم بالمطار
احجز من موقعهم على النت من الحين عشان تضمن تلقى النوع اللي تبغاه لان كل مايقرب السفر تقل الخيارات ومرات يقولون لك ما نضمن نعطيك نفس النوع اللي تبغاه ومرات يقولون ما عندنا سيارات