مرحبا اخوي
الله يخليهم لكم ويحفظهم ويبارك فيهم يارب
اللهم امين
بقولك اخوي السفر مع الاطفال مافي مشكله
هو اكيد لو الزوجين فقط كتغير جو يرتاحون اكثر بس بعد الاطفال لما يكونون معاهم لهم متعه خاصه وتطمنون اكثر
لكن في هالحاله
اذا كنت ناوي بسفرتكم تروحون تلفريك وقمم جبال وخوانق مائيه وشلالات
الافضل بدون اطفال في هذا السن
اما سفره فنادق وتمشي وتسوق وهالامور ترا عادي
ناس تروح واعيالها اعمارهم شهور
بس بدون رحلات سياحيه من مكان لين مكان
بالتوفيق

هلا فيك أخوي
والله ببالي تمشي بس
ما ودي في خوانق مائية وشلالات لأني رحتها قبل
ودي في ريف وطبعا التلفريك أهم شيء في سويسرا ناوي أزوره خصوصا الي في قرية قرينفالد ؛ أما القمة الثلجية ودي فيها بس احتمال ما أروحها
طيب وش رأيك في باريس ينفع أروحها مع الأطفال ؛ ودي في ديزني لاند وتمشي في شوارعها وأسواقها ومتاحفها

السفر مع الاطفال حلو وممتع
بس انصحكم بعدم التنقلات الكثيرة في السكن لان التنقلات بتكون متعبة لكم ولهم
واهم شي عربية الاطفال تكون معاكم
والله يحفظم لكم

الله يجزاكم خير طمنتوني
شكرا لكم

هلا بك اخوي
السفر لاي مكان مع الاطفال محتاج تخطيط مختلف وهو بكل تأكيد مزعج ومتعب خاصة اذا كانوا بين السنة والثلاث سنوات لكن ممكن بإذن الله
لكل عمر احتياجاته وصعوباته
على سبيل المثال طفل السنتين راح يتعبك في حركته لذا تحاول تجهز له عربة
نفس الشيء الصغير اكله وغياراته ومعظم وقته نايم فممكن يحد حركتكم
وفترة العمر بين سنة وثلاث متعبه جدا
لا الطفل راح يتذكرها ولاراح الابوين يستمتعون بوقتهم ودايم تشوف تعصيبات وخناقات بينهم مهما كان الزوجين متفاهمين (خاصة مافي سابق خبرة)
تاجيل السفر لعام 2016 ماراح يغير شيء كثير في الموضوع
لكن انا انصحك انك تخطط بشكل سليم ومن اهم الاشياء اللي تركز عليها اختيار رحلة الطيران المناسبة والمباشرة ذات المقاعد الامامية في الطائرة
و السكن الصحيح في المكان الصحيح واختيار سيارة للتنقلات وكراسي الاطفال الصحيحة حسب اعمارهم
واختيار الرحلات القصيرة والملائمة لكم
ممكن توزع الاقامة على منطقتين مثل ديفون وخرينديلفالد فقط وتزور منهما الاماكن السياحة القريبة
تمنياتنا لك بالتوفيق

هلا أبو عزيز نورت يا غالي
أنا أفكر أنزل من جنيف إلى انترلاكن مباشرة
وأسكن فيها وممكن في قرينفالد كوخ ريفي كون الرحلة استجمام وطبيعة والتنقلات فيها بتكون لاماكن قريبة
وبعدها بأيام اتجه إلى باريس بالسيارة والعودة تكون منها
أما بالنسبة لرحلة الطيران بتكون ترانزيت لمدة ساعتين تقريبا
وبالنسبة للسيارة أكيد بستأجر وتكون فيها كراسي أطفال
وبالنسبة لعربة الأطفال كنت باخذ للي عمره سنة
لكن شكلي باخذ عربة دورين عشان نحط فيها الطفلين
أنا بأقص التذاكر خلال أيام كون التذاكر رخيصة ورحلتي بتكون نهاية يوليو إن شاء الله
ما نستغني عن مشورتك أبو عزيز
ألف شكر لك ولجميع من شارك بالموضوع