ياليت تحدد كم مدة السفر من فضلك
ومت وقت السفر

ان شاء الله راح يكون السفر يوم الخميس الجاي والمدة تقريبا اسبوعين و3 ايام

اول شي الله يوفقكم يارب والله يسعدكم والف مبروك
بالنسبه لمخططك احسه متعب وخاصه انها عروس يعني معها عفش واجد...والمده 17
يوم ..
انا اقترح عليك ميلان خلها يومين كثير 3 لأنها بس شوبينغ وهي عروس يعني ماراح
تحتاج الا اشياء بسيطه اذا هي راعيه تسوق...وبرضه لاتسكن بميلان اسكن بكومو احلى
ومنها تقدر تطلع لميلان اذا ودك
بعدها تطلع لفينيسيا وتجلس يومين ومنها تطلع لزيلامسي وتجلس فيها 6 ايام
وتطلع منها الى فينا سالزبورج 3 ايام
وفينا4 ايام
واذا تبي انترلاكن تراها نفس طبيعه زيلامسي ممكن تكنسل سالزبورج وتخلي فينا يومين وتطلع منها بالطيران الاقتصادي الى زيورخ ومنها الى انترلاكن وتجلس فيها 4 ايام
ومدينه العطور اعتقد تقصد اللي بنيس اذا تبيها استبدلها بانترلاكن وخلها نيس وكان
واذا تبي مخطط ثاني ممكن ميلان وتسكن بكومو يومين او ثلاثه
وتطلع منها بالطيران الاقتصادي او قطار الى نيس وتجلس فيها 4 ايام تشوف نيس وكان ومدينه العطور
ومنها تطلع لجنيف بالقطار تجلس 3 ايام وتزور انسي ومدن ثانيه وتروح لانترلاكن وتجلس الايام الباقيه
طبعا هذا اذا لسه ماحجزت الذهاب والعوده

*ستار*
الله يعطيك العافية أخوي ...
والله المخطط الي قلت عنه روعه ما شاء الله عليك
بس حاب اعرف عن كيف اتنقل من المدن الي انا قلت لك ايها
يعني تعتقد ان الطيران الاقتصادي افضل وارخص من ناحية السعر او لا
من ناحيه الحجز تقريبا انا انتهيت من موضوعها بس التنقل حايس فيه
وشكرا على الرد

وعليكم السلام
اخوي بصراحة مخططك جاي غلط
انت حجزت سكن طيب ؟ تقول سفرك الاسبوع الجاي ؟
الوصول ميلان تروح منها لفينيسا وترجع لميلان من ميلان تروح لوقانو في سويسرا بعدين انترلاكن بعدين جنيف بعدين باريس
اذا ودك بالنمسا تدخل بالمخطط ممكن
ميلانو - فينيسا - زيلامسي - لوزرين أو زيورخ - انترلاكن - جنيف - باريس
اتوقع كذا أفضل
انا ما ادري على اي اساس انت اخترت هالمدن هل تعرف المسافات بينهم وكيف تروح من مدينة لثانية ولا لا ؟
وبما انه شهر عسل المفروض تكون رتبتك خطك بشكل مضبوط وحجزت سكن بأماكن كويسه
مبروك ورحلة سعيدة

taki
طيب أخوي الله يعطيك العافية انا الى الحين ما بعد ارتب المخطط يعني لو قلنا نفس المخطط الي انت قلت عليه ..
ميلانو - فينيسا - زيلامسي - لوزرين أو زيورخ - انترلاكن - جنيف - باريس
ممكن اعرف كم تنصح من يوم في كل دولة وطريقه التنقل من كل بلدة اذا امكن اذا افترضنا نفس ترتيب المدن الي انت حاط لها
وشكرا

اخوي بس بسألك انت ماحجزت شي للحين ؟ وسفرك الاسبوع الجاي ؟
وش حاجز بالضبط بس الطيران ؟
التنقلات بين المدن تكون بالقطار .. لو تقدر تستأجر سيارة يكون أفضل لك واريح
انصحك تكون المده الاطول بزيلامسي وانترلاكن وميلانو
والباقي ما تجلس فيها اكثر من 3 ايام
طبعا باريس برى الخطه تجلس فيها 4 او 5 ايام
بس انا مستغربه ان سفرك ماباقي عليه شي وانت ما سويت شي للحين ؟!

taki
أخوي تشكر على الرد بالنسبة للحجز لا ما بعد احجز شي لان الزواج بعد اسبوع ولكن السفر بأجلة شوي بسب ظروف :112:
وتشكر على المخطط الحلو بس انا ابي اعرف بالنسبة للدول الي اتفقنا عليها كيف التنقل منها يعني ابي اعرف وشو القطار الي راح يطلع من ميلانو الى النمسا وكم المسافة وهكذا واذا فيه موقع خاصة للامور هذي ياليت تزودنا فبه
بالنسبة للأيام انا ما عندي اي مشكلة يعني 3 ايام ميلان . 3 ايام انترلاكن . 4 ايام زلامسي . والباقي في باريس
انت وش رايك

ايه انا رأيي تأجل موضوع السفر شوي وتاخذ وقتك وتشوف التقارير و رحلات الاعضاء وترتب نفسك
لاني حاس انك حايس مرره حرام تمرمط المدام معك برحلة مو مرتبه
وبما انك ما حجزت شي للحين ما اتوقع تحصل حجوزات اصلا وسفرك قريب والاسعار بالنسبة للتذاكر بتصير نار لان الفتره قريبه
رتب نفسك وخذ وقتك و احجز طيران اللحين لو سفرتك بعد شهرين ثلاثه بتحصل اسعار تذاكر مناسبة
خل سفرتك لايطاليا بشهر 10 يكون الجو تعدل لان ايطاليا جوها حار
ودور لك اوتيلات حلوة وتناسب شهر العسل
شف هالتقرير النمسا بشهر 10 : http://www.travel.maktoob.com/vb/travel155001/
ايطاليا بشهر 12 : http://www.travel.maktoob.com/vb/travel160268/
ان شااءالله يفيدونك