ناديا 77
30-06-2022 - 02:32 pm
السلام عليكم ورحمة الله وبركاته
باختصار انا رايحه ميلان وروما 9/9 والفضل لله ثم لج عن المعلومات اللي ذكرتيها لاني اول مرة اروح ونسخت كل تقاريرج بدفتر عندي عشان تكون دليل لي اثناء الرحلة بس عندي استفسارات لا هنتي
اولا
سالفة الجمارك والضريبه مو فاهمتها يعني لازم اتسوق بجواز السفر او صورة عنه والدفع كاش افضل او فيزا؟
ثانيا
شهر سبتمبر الجو كيف يكون بارد حلو او اكثر شوي
ثالثا
هل اقدر اطير من ميلان الى باريس للديزني لاند وارجع بنفس اليوم او لا
رابعا
انا راح انزل بمطار تاليني الداخلي لميلان وانا راح اسكن بجراند هوتيل بلازا بالدومو كيف اوصله باي مواصلات لو تكرمتي
وسامحيني على الاطالة
بالنسبة للضريبة اذا بغيتي تسترجعينها....يكون معك رقم الجواز بس
واذا عبيتي الاوراق بخصوص استرجاع الضريبة تحطين بس اسمك ورقم جوازك ولازم يكون زي الموجود على الجواز
عشان اذا رحتي للمطار تسترجعين المبلغ.....اهم شي عند استرجاع المبلغ
انك تكونونين طلعتي البوردنغ...وبعدين اهم شي تكون معك البضاعة عشان موظف الجمارك يشوفهم(تراهم ما يدققون
بس عشان يتأكدون من البضاعة)
الدف كاش او فيزا كلهم ماشين على راحتك...
بخصوص استفسارك الثاني.....
شهر سبتمبر الجو حلو بس يكثر فيها الامطار.....يعني بارد حلو
استفسارك الثالث.....
صعب مرة انك تروحين وترجعين بنفس اليوم.....
لان الرحلة تأخذ لها ساعة ونصف وبعدين رحلتك الى ما توصلين ديزني من المطار حدود الساعة وشوي
وبعدين ديزني يبي لها يوم كامل ويالله تخلصونها.......
استفسارك الرابع,,,
انتي بتنزلين في مطار ليناتي......
عندك خيارين.....يا عن طريق الباص او عن طريق التاكسي او المترو
بس اذا انتي اول مرة تروحين ايطاليا الافضل لك بالتاكسي
التاكسي يأخذ حدود 20 يورو بالكثير.....
ان شاء الله ما نسيت شي
ورحلة موفقه