سايتك
18-01-2022 - 07:51 pm
الاعزاء خبراء منتدى المسافرون العرب طلبتكم في خدمه وارجو انكم تفيدوني وادري عنكم ماراح تقصرون جزاكم الله خير
قررت انا وزوجي نسافر النمسا هذي الصيفيه وهذا حلم نتمنى يتحقق لاول مره
المشكله ان احنا حابين نجلس مدة اسبوعين وحاطين ميزانيه 20000 ريال والشي الثاني ان احنا حابين نسكن بالريف ( نظام الاكواخ يعني ) حبيت استفسر عن نقطتين
الاولى هل المبلغ يكفي لهذي المده ولا اقل علما انه يشمل كل شي ( تذاكر وسكن وتنقل واكل وغيره)
الثانيه هل لو سكنا بالريف راح نوفر في السعر واذا كان كذلك هل من السهوله التنقل من الريف الى اي مكان باستخدام الباصات مثلا
ارجو منكم المساعده ودمتم بخير
ما فيه مشكلة
مبدئيا التكلفه راح تبدأ من 25000 ريال لمدة اسبوعين شاملة كل شي (اقل اكثر بشي بسيط) مع حمل بطاقة ائتمانيه للاحتياط والطوارئ مع شوية شروط بسيطه بتطبيقها ممكن تكون التكلفه اقل من اللي ذكرتها .
بالنسبة لانه يختلف الريف عن المدن فما أظن , التكلفه متقاربة بين الريف والمدن .
وبالنسبة للتنقل فما عندك مشكلة , الباصات متوفرة ولها تايم تيبل(جدول رحلات لها) تاخذونها من الريسبشن حقت الفندق .
واي استفسار انا وكل الشباب تحت أمرك
وانصحك بالاطلاع على موضوعي اللي بتوقيعي يمكن يجاوب على كثير من اسئلتك
وكلنا تحت أمرك