احترت فاسمي
حبيبة البي موفقين ان شاء الله
رح حاول خبريك عن عدة مناطق ريفية عنديك مثلا منطقة عنجر بالبقاع كمان منطقة تراثية وكمان عنديك عرسال منطقة جردية وحلوة وبعلبك
لو حابة تزوري ضيع عنديك الجنوب اللبناني كمان شو رأيك استضيفيك عنا بشبعا هيك كتير بتنبسطوا عنا نبع عين الجوز نهر وبساتين اشجار مثمرة وكمان بتشوفي كيف بيعملوا الخبز المرقوق واللبنة والكشك والمربى والحليب الفريش وغيرن وغيرن والكبة المدقوقة وكمان كتيرحلوة المنطقة
عنديك كمان حمانا حلوة كتيرة تقريباً جبل لبنان كلو حلو
كمان في بالشمال بس ما عندي فكرة كتير عن الشمال إن شاء الله خبراء الشمال بيخبروكي
بالتوفيق حبيبتي ولو اتذكرت اماكن تانية رح خبريك

1. بس ودي منك الشور والنصيحه

يا عمري تسلمين ما قصرتي والله انا الي اتشرف بزيارة الجنوب الغالي وبشوفتك وشوفة الناس الطيبين
انا لين ذلحين خططت لاربعه ايام وباقي سته اعمل بجد على الخطه

بس ودي منك الشور والنصيحه

رح اكون ساكنه في الاربع ايام الاخيره في الشوف فهل من السهل اني ازور الجنوب من هناك كرحله ليوم كامل في الريف ولا المسافه بعيده ؟؟يعني حق كم ساعه تقريبا؟
الي فهمته من بحثي وبمساعدة خريطة جوجل اني تقريبا من الشوف رح يكون بامكاني الوصول الى عنجر ، زحله و بعلبك والتعرف على البقاع في رحلة ليوم كامل ارجع فيها لمقري فالشوف. هل استنتاج صحيح ولا المسافه ابعد مما انا متخيله؟
واخر استفسار الله لا يهينك والاخوان اذا عندكم فكره عن منتجعات هادئه على الشاطيء اكون شاكره لان حابه يكون للبحر نصيب في الرحله
بخصوص الشمال يا طويلة العمر سبق وزرتها وانا عشر سنين بالتحديد سير الضنيه كان فيها منتجع جميل وبسيط اقمنا فيه اسبوع تقريبا ولا اذكر اسمه الان لا انا ولا اهلي ،هذا قبل اكثر من 14 سنه ايام لبنان ينفض غبار الحرب، الله العالم موجود الان او لا ..لي فيه ذكريات حلوه ولهذا السبب ودي اعيد زيارته ،قاعده ادور عن منتجعات بحريه في الشمال اذا وجدت يكون شي جميل اني انطلق منها للسير شرقا باتجاه الضنيه وبقية الشمال ..
رح اكون موجوده هنا واعرض خططي عليك وعلى الجميع اذا ما عندك مانع واتمنى الي عنده مشورا لا يبخل علي ..و الله يجزيكم عني بكل خير
تحياتي اختي الفاضله عبير

احترت فاسمي
حبيبتي بتقدري من الشوف تجي على البقاع وبعلبك على حسب انتي وين رح تسكني بالشوف اكيد حد نبع الصفا ماهيك
انا من رأيي زيارة البقاع وبعلبك ما تكون ليوم واحد بس انا من رأيي تطلعوا بيوم العصر تزوروا عنجر وزحلة وهالمناطق وتاني يوم من الصبح تطلعوا على بعلبك ونهر العاصي والقلعة لأنو مشوار بعيد كتير
بالنسبة لزيارة الجنوب كمان فيكي بتنزلي عن طريق جزين ومن جزين صوب صيدا وبتكملي صوب الجنوب بالنسبة لضيعتا بدا تقريباً شي ساعتين ونصف وفيكي تزوريا بيوم واحد خاصة بالصيف النهار طويل كمان بديك تصريح انا ممكن ساعديك فيه ان شاء الله لو حابة في ضيع بالجنوب فيكي تزوريا بدون تصريع بس القرى الحدودية بدا تصريح
كمان فيكي تزوري الجنوب عن طريق البقاع الغربي
في عنديك لو ببيروت فندق الموفنبيك وكمان في لو رويال ضبيه كمان حلو كتير صديقتي بتصيف فيه هي واولادا بتقولي بحس انو عائلي
بالنسبة للشمال ماعندي فكرة شفتليك بالدليل فندق بسير الضنية بس بيقول منو عالبحر لأنو اصلا سير الضنية منا عالبحر هي عالجبل
شفت منتجيع بحري ب انفا اسمو لاس سليناس
ان شاء الله الأخوة خبراء الشمال بيفيدوكي اكتر
حبيبتي اي خدمة ما توفريني بالتوفيق يا رب
لو طولت ما رديت عليكي انا إن شاء الله برد بتاريخ 9 الشهر