بسم الله الرحمن الرحيم
السلام عليكم ورحمة الله وبركاته
عشر اواخر مباركه على الجميع
هذه المشاركه الاولى لي في المنتدى اللي استفدت منه كثير في سفراتي السابقه
انا مسافر اورلاندو يوم الخميس ان شاء الله - الهدف زياره وسياحه بنفس الوقت -
مسافر انا واهلي ( الوالده و2 اخواتي الصغار ) احنا اول مره نسافر امريكا وطبعا ان شاءالله تكون مسهله لنا
انا طالع على اللوفتهانزا ( رياض 0 فرانكفورت 0 اورلاندو ) والعوده نفسها ،،
طبعا بخصوص اجراءات الوصول في امريكا ،انا عارف ان فيه امور لازم تعبئتها استمارات الدخول للبلد ،، ومدري كيف الطريقه ،، هل فيه استماره للحاجيات اللي جايبها معي ،، تخبرون زياره لاخواني هناك والوالده موب مقصره تبي تشيل كل شي معها ،،
انا بحثت وشفت بالموقع بس راسي اختبص من كثر الاراء والاقتراحات ،، فأبغى اتأكد من كل شي ،، حتى الكاش الافضل اخذ كم .. ؟؟
وبخصوص السكن - احنا حاطيين في بالنا انا نسكن مع اخواني ،، بس هل الاميقريشن يطلبون صوره من عقد السكن او يرفضون اننا نسكن معهم ،، لاني قد سمعت ان فيه قانون بأمريكا بخصوص الشقق انها مايكون فيها اكثر من 6 اشخاص ،، وهل يطلبون العنوان السكن بس او فيه شي اضافي ،،
او الافضل انو نسكن بفندق او منتجع ؟؟
هذه الاشياء اللي خاطره في بالي حالياَ ,, وانا اسف جدا جدا لو سببت لكم اي ازعاج او بثاره
لان هذه المره الاولى اللي اطلع فيها امريكا ،، ومابغى تصير اموري متلخبطه معهم ،، لاني ان شاءالله افكر اكمل الدراسه فيها بس لما ارجع واحول الفيزا
بارك الله فيكم والله يوفق الجميع