طريـــح الحــزن
30-05-2022 - 09:58 pm
باقوس كل اللي يقول الاجاويد && والف احترام لقول غيري ولو حاد
يا للي تروج للسفر بعد هالعيد && العمر ما هو عشبْ ألا قطع ينعاد
والعمر ماهو فدوة لاهْيَف الجيد && والعمر ماهو كاس شاهي وبراّد
ماني شجاع لا ولا نيب ابا زيد && وما همني عنتر ولا أبوه شدّاد
وش عاد اذا قلتو جبانٍ ورعيد && واصبحت سالم بين عايد وعوّاد
وما هوب نافعني إذا قيل صنديد && وأهلي بعد فقدي وسط هم واحداد
الله موسّعها وبِيْدٍ بدل بِيْدٍ && ورزقٍ وسط جاوه فلا ابيه لو زاد
عندي من اقصى الصين لحدود مدريد && وان ضاقت الدنيا تسيّحت بتشاد
تراحيبياسلالالالالالالالالام يالمبدع ياتراحيب
الحقيقه انا قليله بالحيل دخلاتي للنت...لكن صديق العمر ورفيق السفرات..الغالي جاكرتاوي
غنى لي بيتين من قصيدة الاخ تراحيب وقال لي انه شعوره واحساسه نفس شعورنا...
وانه كاتب قصيده بالمنتدى...
قلت اشوفها.....والحقيقه يوم شفتها تهيّضت بالحيل .....يالجزل
وقلت مافيها....لابد نكتب له رد... وهاك الرد يابعدي...
جاني رفيقي ينشد الشعر تنشيد && هيّض مشاعر خافقي ابذيك الانشاد
بالمنتدى يوم اني آمرّ واعيد && لي جية ٍ من عقب غيبات وابعاد
ابدع (تراحيب) الشعر والمقاصيد && وانا ضميري من مشاعره وقاد
ومنك السموحه دام بالشعر ترديد && هذي قصيدة رد بهجوس قصّاد
انا اشهد انك ياتراحيب بتزيد && رايي صماله لين يشتد بعناد
الراي للي ناوي ٍ ينهج ابعيد && وايجيب في سفراته اعياد واعياد
خلك بعيد ارجوك من دون تحديد && م تشوف (فلونزا الطيور) اشعل ازناد؟؟
دام المرض جيته وحاديك تبديد && خل الموده بيننا ارجوك باركاد
من فكه الله من بليّات ذا الغيد && ماظن له فكه عقب ذيك الانكاد
في هالزمن ياكود رجال ماصيد && لابد يجفاه الزمن ثم ينصاد
وش لك على زود التناهيد تنهيد && ضاع العمر بالهم سرداد مرداد
دام الامل موجود وش فيك ياسيد؟؟ && كيف الرجا بيشيب من قبل ميلاد؟؟
خلك هنيّا ، عن عوافيك لاتحيد && هذي نصيحه جتك من حب ووداد
وكان السفر لابد له من مواريد && خذها نصيحه: (بدل ابلاد ببلاد)
قاله تراحيب بقصيدته لك فيد && (((لاضاقت الدنيا تسيّحت بتشاد)))
(((عندك من اقصى الصين لحدود مدريد))) && من يعتبر بالعلم ماحده اسهاد؟؟
كان انت ناوي عن نصايحه تصديد && عز الله ان ّ العقل جافيك بقعاد
ماريد انا منك العهد والمواعيد && لا طق فوق الراس بالفاس مافاد
خلك على ماتريد انا قلت ماريد && كلن يشوف بيومها حسب ماراد؟؟
جاك الخبر والعلم لاحقه توكيد && من خاطري لك جاد بأبيات ٍ اجداد
وسلالالالالالالامتكم....طريح الحزن
وصح لسانك مليون ياتراحيب ولالالالاهنت
صح لسانك ....