مشعآن باسكلاني
03-10-2022 - 04:08 pm
وصلت ولله الحمد البارح آخر الليل الله لا يبلانا
الأجواء في القاهره ممتازه والبيعه تمت ولله الحمد وأخذت السعي من بابا
المشكله الي واجهتني أني سكنت في فندق قراند حياه لمدة ثلاثة أيام ولما جيت أسوي شك أوت قبل أرجع الفندق مريت أبي اصرف من صرافة بنك مصر الي في شارع محي الدين أبو العز الصرافه فشخت الصرافه حقتي حقت الراجحي وتورطت مدري وش أسوي الي كان في جيبي كله ما يتعدى 200 جنيه لكن الصرافه مليانه ولله الحمد
الموهم ما لكم في الطويله دعست وشحنت البطاقه الي معاي الله يخلي اتصالات المصريه كلمت بابا وقلت له إلحقني تراني مزنوق والفندق شكله راح يحجز الجواز وهذا وأنا مسوي نفسي شيخ ثلاث أيام بوفيه ونت وكل شي وعلى الحساب اللهم لا حسد
الموهم بابا ما رد علي كان نايم وبعد ساعتين جاني اتصال من والدي الله يحفظه وقال لي الساعه الحين عندك 2 الظهر يعني يمديك تلحق البنك وسدح لي مبلغ في بنك مصر وسحبته وربكم فرجها
الموهم الرحله هذي كانت فيها تخبطات إداريه مني وعدم ترتيب لأني زي ما قلت في موضوعي السابق رحله اضطراريه
لكن مصر جميله وهي هي ما تغيرت بس الي تغير علي الحسين ما عاد فيه ار ار يعني الشيشه
و بلغ تحياتي و تقديري للوالد ربي يحفظه لكم .
تحياتي ،،،