وعليكم السلام
حياك الله اخوي ولد جدة وشرفتنا بمشاركتك
لو مع عائلة انصحك ارقد في جاكرتا والصبح اطلع الجبل لأنك ماراح تستفيد شي ماتقدر تشوف الفلل على راحتك وخاصة الاطلالة
ماراح يكون فيه زحمة في الخط الا ايام الويكند عندهم وهي السبت والأحد
المشوار م مع اني مضيع السعر لكن قرابة 500 الف روبية
مدة المشوار ساعة واذا الخط فاضي ساعة الا ربع
تفضل هاذا الموضوع بيفيدك بخصوص السواقين
https://artravelers.com/p/re/389407">https://artravelers.com/p/re/389407
اذا ماحجزت اي فندق مافيه اشكالية لكن حصل قدامي موقف موظف الجوازات نشب لأثنين شباب قال وين بتسكنون وهم لسى ماحجزوا
فنشبلهم وهم مايعرفون انجليزي فتطورد معهم وناداني اترجم لكن عرفت الطبخة انا وسويت نفسي معهم وفي الاخير فكهم
اتوقع ماحطو بيانات السكن في استمارة الفيزا يعني اهم شي لاتخلي هالخانة فاضي احفظ اسم فندق وخلاص
بالنسبة لي ماعمري رحت بونشاك بحجز مسبق دايم اروح هناك واحجز اذا وصلت وشفت
الفلل ماقدر جربت فلل كثيرة في بونشاك لكن فريت اغلبها واكثر شي اعجبني فلل ميجا
3 غرف كلها ماستر روم وصالة ومطبخ مجهز من إلى والموقع ماهي ببعيد عن البقالة السعودية تخلي البقالة في يسارك وتمشي شوي وتأخذ يمين
هي هناك لكن موقعها بالضبط والله ماعرفه لكن السواقين ادرى طبعاً اطلالة الفلة شي بيفك مخك ههه عجيبة
هي طبعاً مجمع ويحتوي على 4 فلل فقط والعام كان فيه فله خامسة تحت الإنشاء ويمكن خلصو منها والله أعلم
باندونق ماسبق اني زرتها للأسف مقدر افيدك لكن ابحث هنا وبتحصل ان شاء الله الجواب الشافي والوافي لك
https://artravelers.com/p/re/757665">https://artravelers.com/p/re/757665
او
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com
انشول فيه شقق استون مارينا وهي قريبة
https://www.booking.com/hotel/id/aston-marina.ar.html?aid=1300939
لكن كفندق عندك ميركيور انشول ومايميزه موقعه
https://www.booking.com/hotel/id/convention-centre-ancol.ar.html?aid=1300939
اي استفسار حاضرين لكن لاتحرمنا من دعواتك