Faisal4Travel
07-11-2022 - 12:24 am
السلام عليكم يا شباب
في شي محيرني وودي اخذ رايكم فيه اذا ماعليكم أمر
أي من شركات الطيران الداخلي في أستراليا الأفضل من ناحية العفش؟
لأن أنا والأهل راح يكون معنا شنطتين وحدة مجموع أبعادها طول+عرض+ارتفاع هو 148سم, والثانية 164سم وإلى الان ما أعرف الوزن كم (الثانية للمدام طبعا :rolleyes:الله يعين). أنا طالع أول شي على طيران الاتحاد الإماراتي وهذول شروطهم مريحة, مجموع أبعاد الشنطة الواحدة 180سم والوزن 20كجم وممكن يزيد إلى 30كجم من غير أي رسوم إضافية في حالة إذا عندك عضوية. حلو الكلام؟
القمندة كلها هناك في أستراليا, أنا مبدئيا ناوي أحجز على (Virgin Blue) ولما شفت شروطهم لقيت مجموع أبعاد الشنطه لازم ما يتعدى 140سم, هل هذي راح تكون مشكلة؟ يعني الموظف راح يطلع متر من جيبه ويقعد يقايس كم سم زيادة عندي؟ وشرطهم الثاني وزن لا يتعدى ال 20 كجم للشنطة الواحدة, وش يصير على ال كم كجم الي ممكن يزيدون؟
وإذا مرة قفلت, هل فيه خطوط طيران داخلية مريحة أكثر من هالناحية؟
اعذروني على الإطالة والله يعطيكم كل عافية
اي والله قمندة استراليا وانظمتهم البايخة المتشددة ...اعجبتني مرة كلمة (قمندة) ...
على العموم اللي اعرفه ان حجم الشنط سواء الارتفاع او العرض والطول ... مقياس دولي متعارف عليه ... وبالتالي لااعتقد ان الموضوع راج يكون فيه مشكلة ... لكن المشكلة تكمن في الزيادة ... ترى الجماعة مرة شديدين على اي زيادة ... وبالتالي انصحك بالتاكد من الاوزان ... ومن بعدها عمل الحجوزات ... تقول لي ليش !!!!!
لان لما تعمل الحجز راح تجد خيارات ... وكل خيار له مايميزه عن الاخر ... مثل قابلة للاسترجاع او لا ... و هل هي قابلة للتغير او لا ... والاهم كم كيلو مسموح ... وبالتالي تاكد من الاوزان ... ومن ثم اعمل الحجز على اساس مايتناسب مع اوزان شنطكم ...
ولاتنسى ان فيه ثلاث خطوط استرالية ... هي الجت ستار ... و الفيرجن بلو ... والكوانتس ... شيك عليهم كلهم ... مع العلم ان الكوانتس لاتعتبر طيران اقتصادي كما هو الحال مع الجت ستار والفيرجن بلو ...
اتمنى لك رحلة سعيدة ... ولاتسانا من التقرير المدعم بالصور ...
تحياتي ...