الرحلات البحرية :
1. جزر حوار : من الممكن الذهاب إلى جزر حوار عن طريق قارب سريع لمدة 45 دقيقة .. وتقدرون تقعدون في جزر حوار لمدة ليلة في فندق الجولدن توليت أو أنكم تروحون الصبح وترجعون العصر .. وهناك تقدرون تأجرون الجتي سكي والقوارب بالمجاديف وأنشطة متنوعه ..
2. جزر الدار : في رحلات يومية إلى جزر الدار ويكون عن طريق قارب سريع لمدة 15 إلى 20 دقيقة ..
3. في شركة حاطه إعلانات في الشوارع وهي انك تستأجر قارب لمدة 4 ساعات مع السواق بسعر 380 دينار بحريني .. وعندهم تختلف الاسعار على حسب نوع القارب او اليخت ..

أخوي بوراشد ما قصر ،، رحلات جزر الدار تكون يومية بدون مبيت وتنطلق من منتجع البندر ،، ورحلات جزر حوار يفضل أنها تكون مع المبيت لأنها أبعد ويوجد في جزر حوار فندق توليب إن به مختلف الانشطة الشطئية والبحرية ،،
أوقات سعيدة ،،

الاخ ابو راشد وين موقع او اعلانات الشركات التابعه للرحلات البحريه بغيت اكتب لبو راشد علخاص عشان يكون الرد سريع ماعرفت شلون ياجماعه اللي عرفه يقوله يرد علي

بعد اذن اخوي بو راشد ... تفضلي اختي
جزر حوار
تلفون حجوزات الشاليهات : 17311770 أما حجوزات الفندق : 17290377 ..17849111
طبعاً المبنى المعروف في كورنيش الفاتح اللي مكتوب عليه ( حوار للحجز والمغادرة ) هو مكان لحجوزات الفندق فقط . قيمة الرحلة للشخص عبر القارب 5 دينار طبعاً مغادرة وعودة ..
وانا سمعت مسوين عرض بالعيد 250 ريال للشخص بفندي القولدن توليب
جزر الدار او ماتسمى بجزر فوكلاند
يتم الحجز عن طريق منتجع البندر او مرسى السفن في ستره وتلفونهم 1753557
تحيااتي

شكر للجميع حوار جربتها وما اتمنى اعيدها اول ليله انبسطنا مع المنلوجست الموجود ثاني ليله شباب شش الظاهر سكارى مو من سكانالفندق شكلهم منالشقق خارج تلفندق خربوا البرنامج والادارة واقفه تطالعهم والفنان يقول تبوني ولا تبونهم ومح يرد وسوو ازعاج ورجعنا غرفنا لانها الفعاليه الوحيده اللي مسويه حس في الجزيره لذى الواحدمايحب يعرض اجازته لمواقف لاتحمد عاقبتها معهالاشكال واداره ماتقدر تاخذ ومقف

هلا أختي أغلى تفاحه .. بخصوص الشركة اللي تودي رحلات بحرية أسمها كورال سي ورقم تلفونهم (17312700) ومن خارج البحرين (0097317312700) وعندهم أكثر من أختيار للرحلات .. أنتي أتصلي فيهم وراح يقولون لج كل شي ..
وإذا عندج أي سؤال أو أي استفسار ترى حاضر لج ..
وتقبلي مروري ..