حياك الله اخوي العزيز واتشرفنا فيك ...
ومبروك الزواج ..
اولا توقيت السفر يعتبر نهاية الشتاء مع اجواء بارده وخصوصا بالريف مع توقع امطار .. لو تستطيع تأجيل السفر ممتاز ..
اما باقي نعرف
1- كم يوم الرحله ؟؟
2- كم الميزانيه ؟
3- وسيلة النقل المختاره ؟
4- شنو بخاطرك اتزور من مدن وقرى ؟؟
انا بالانتظار

يعطيك العافيه اخوي..
بس الزواج جاء على الشهر هذا عشان كذا صعبه تأجيل شهر العسل
ناوي على فينا + زيلامسي + سالزبورغ على 13 يوم واتمنى تفيدوني كم يوم اجلس بكل منطقة وكم ممكن تكلفة الرحلة
واتمنى تفيدوني عن وسيلة التنقلات الافضل..
هل بيكون فيه ثلوج وامطار غزيره في هذا الوقت وهل المناطق الترفيههيه مثل حديقة براتر مغلقه على حسب كلام الاخوان
عشان هذي اول رحله لي بالنمسا ومو عارف عنها شي واتمنى تفيدوني بكل شي تعرفونه عنها
واتمنى تحددون لي الفنادق المعروفه بكل منطقة 4 نجوم او 5 نجوم لو امكن
ت حياتي لكم ...

حياك الله اخوي الكريم
1- المخطط الافضل فينا 4 ايام سالزبورخ 3 ايام زيلامسي3ايام وميونخ للتسوق والعوده منها 3 ايام
2- الاجواء تعتبر شتوي وجميله وبارده بالريف
3- انا اخترت لك جدول متنوع مدن وقرى ريفيه
4- الوسيله الافضل السياره بالريف وبالمدن المواصلات الاخرى .. وممكن جعل الرحله كلها بالوسائل الاخرى لوحاب
5- الميزانيه تعتمد على صرفك ولكن بنعرف اكثر بعد خصم الفنادق والتذاكر
6- انت كم راصد للرحله ؟؟
ننتهي من المخطط ونبدأ بالباقي .. اما ملاهي بارتر فاتحه
تحياتي لك

يعطيك العافيه اخوي ..
بعد كان وادي انك تحددلي الاماكن السياحيه بكل منطقه
وبصراحه انا راصد 20.000 الى 25.000 ..
تقصد بالارياف سيارة أجره مثلا ولا استأجر لي سيارة بصراحه احس انو التأجير اشوي صعب
عشان انا اول مرره اسافر وبعدين شهر عسل يعني ما وادي الخبط واسوي سوالف ..
واتمنى بعد انك تحددلي بعض الفنادق القريبه من الاماكن السياحيه
وهل بيكون فيه اماكن مغلقه سياحيه مغلقه في الفتره هذي شهر مارس
انت كحكم معرفتك بالنمسا تنصح بالشهر هذا ...
ت حياتي لك ..

حياك الله اخوي .. طبعا رايي انا معروف من نصف شهر 5 الى اخر شهر 9 هو الافضل بدون منازع وبحكم تجربه
شهر 3 الشلالات والزحلاقيه الصيفيه مغلقه نظرا لبعض الامطار وايضا تجهيز هذي الفعاليات للصيف ..
لكن انت مجبر كون السفر بعد الزواج مباشره .. لكن ما يمنع انك تستمتع ببعض الاماكن السياحيه الاخرى الكثيره ..
وانصحك بوقتك زيارة القرى الريفيه الجميله مع الكثير من الاماكن
لمعرفة الريف النمساوي شاهد الجزء الاول
https://artravelers.com/p/re/333559
الجزء الثاني
https://artravelers.com/p/re/339534
وهنا نبذه عن الاماكن السياحيه بكل مدينه
ولاً: فيينا

• مغارة هتلر SEE GROTTE
• نهر الدانوب
• قصر الشنبرون
• ملاهي براتر
• ساحة ستفينز شارع المشاه
• ساحة الماريا هلفر

ثانياً:زلمسي

• جولة الباخره في بحيرة زل
• زحلاقيات سلفادن
• صعود قمة جبل مناظر SCHMITTENHOHE
• جبال كابرون ( محطة تلفريك kitzsteinhorn
• شلالات كريملر

بالنسبة لسالزبورق.. جولة في المدينة القديمة واسواقها .. حدائق الميرابل .. الكهف الجليدي .. قمة بيرج وقصر موزارت .. منجم الملح وقلعة سالزبورق .. رحلة البحيرات والجبال .. رحلة نهر السالزاك
هذي نبذه وهناك الكثير ممكن مشاهدة ايضا او اذا انت حاب تسئل عن مكان معين انا حاضر؟؟
: : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : : :
الان السكن
سالزبورخ هنا
https://artravelers.com/p/re/330555
زيلامسي
( السي فيلا , الجراند , هذول عالبحيرة ... ,وعندك ماكس , feinschmeck ، رومانتيك , هيتزمان ، نيوبوست ، دير سونبيرج (روعة عالجبل )
فينا
: NH Atterseehaus .. افضل شي في موقع استراتيجي على شارع ماريا هيفلر الحيوي في فيينا
http://vienna.lodgingaustria.com/Europa/
ويقع على شارع Kaerntner Strasse وهو من افضل شوارع التسوق والمشاة في فيينا
ميونخ هذوله
Mercure Hotel اربع نجوم قريب من الاسواق وشارع مارين بلاتز
HOLIDAY INN MUNICH CITY CENTRE قريب من النهر و الاسواق
couryard by marriot munich city الفندق قريب من المحطة الرئيسية ومن المارين بلاتز
وطبعا هناك الكثير من الفنادق القائمه لا تنتهي ابدا لكن شوف هذوله .. طبعا جميع ما وضعت فنادق 4 نجوم فقط
اما بخصوص المبلغ هو جيد بشكل مبدئي ونعرف اكثر بعد خصم الفنادق والتذاكر .. والافضل يكون المبلغ 25 الف من غير التذاكر . وايضا هناك نقطه مهمه على حسب صرفك ..
اما بخصوص السياره مو مهمه اذا كنت ما ترغب ممكن تذهب الى اي مكان بالنمسا بالموصلات الاخرى
ولك تحياتي

يعطيك العافيه اخوي على ابداعك
ت حياتي لك

اخوي علي بس حبيت استفسر عن سالزبورخ ..
الاماكن السياحيه فيها ..
وايش افضل شي فيهاا ...
الله لا يهينك ..
ت حياتي لك ..

والله جميع ماذكرت جميل ورائع لكن الاذواق تختلف
بس انصحك اتروح رحلة لمدة يوم كامل الى ولف قانق وسانت قلقن وفوشا ام سي ذكرته بالجزء الثاني .. ويوم اتزور حدائق الميربال ونهر السالزك .. ويوم اخر تزور الكهف الجليدي وتتجول بالمدينه القديمه ..وبلدة وبحيرة موندسي الخرافيه والساحره ..
ذكرتها بالجزء الثالث
https://artravelers.com/p/re/344083

يعطيك العافيه اخ علي وكلك ابداع واعجز عن شكرا بصدق..
بعد حبيت اتأكد كيف يكون التنقلات في سالزبورخ بالمناطق هذي الي ذكرتها مسبقا..
.. جولة في المدينة القديمة واسواقها .. حدائق الميرابل .. الكهف الجليدي .. قمة بيرج وقصر موزارت .. منجم الملح وقلعة سالزبورق .. رحلة البحيرات والجبال .. رحلة نهر السالزاك
حبيت اتأكد كيف تنظيم زيارة المناطق هذي هل في كل يوم زيارة الى مكان واحد او اثنين ..
على مثال زيارة الى الكهف الجليدي فقط او زيارة مكان اخر..
ت حياتي لك ..