اولا تروح وتجي ان شاءالله بالسلامه
ثانيا انت متأخر جدا في استخراج البرامج التي تناسبك انت وصديقك لأن اي رحله ناجحه لابد والتخطيط لها مسبقا بوقت مناسب
ثالثا بما انكم شباب راح تعجبكم الشلات والطيران الشراعي والتلفريك والزحليقه والقطار اللي يدور حوالين انترلاكن برضو حلو واللف في الحديقه وتزورون بحيرة برينز ولازم تزورون قريندالفالد
ولمعلومات اكثر افتح قوقل واكتب تقرير انترلاكن راح يطلع لك التقارير اشكال الوان اختر مايناسبك
ورحله سعيده

أخوي الله يسلمك ..ممكن تفيدنا بوسيلة المواصلات ..يعني سيارة ولا بالقطار..
وهل يوجد معاك نفقيشن سيستم (قارمن يعني) ولا لأ؟هذه مواضيع تفيدك
وبإمكانك قراءة الدليل السياحي السويسري
https://artravelers.com/p/re/51030
وبعض من تقارير الاعضاء
https://artravelers.com/p/re/108099
انا انصحك بمشاهدة الانشطة على الخريطة على هذا الرابطخريطة انترلاكن التفاعلية من صنعي بجميع الاحداثيات "رابط الخريطة" https://artravelers.com/p/re/569078
وهذا الموضوع راح يفيدك كثيرجديد ** احداثيات تهمك في سويسرا ** https://artravelers.com/p/re/644994
وهذا موضوع لي رد فيه وانا ارفقت فيه دليل سويسرااتمنى تنزيله على الجهاز..ملف بي دي اف
فراشه تطلب دعمكم في زياره ثلاث دول اوروبيه ( سويسرا المانيا فرنسا) https://artravelers.com/p/re/749641
وهذا ايضا
المسافرين لآول مرة الى سويسرا https://artravelers.com/p/re/662292

تسلمون يا اخوان ماقصرتو ...اخوي medo77 بالنسبه لوسيله التنقل معانا سياره وقارمن .. ومده الجلوس في سويسرا 4 ايام تقريبا اتمني منك جدول مرتب لعدد هالايام ولاماكن الاي تستحق الزياره والاحداثيات للاماكن كلها وياليت ترشح لنا سكن واسسف كثرت عليك والله يجعلها في ميزان حسناتك ان شاء الله

بعد اذن المشرفين انصحك بالطريق تمر على قريتي انا وهايدي لانه بنص الطريق بين زيلامسي وانترلاكن بمدينة اسمها Maienfeld وتقرير الاخ رائع جدا راح يفيدكم بحكم انكم شباب وبس...

يا رجل الله يعطيك العافية ما طلبت الا من اخوك..
صحيح اربع ايام قليلة في سويسرا ..وبحاول ارتبلك الايام ان شاء الله..لكن في سؤال لو تكرمت ..بعد سويسرا ..رايح على المانيا ..في اي مدينة بالضبط؟
والثانية ماهي تواريخ الوصول والمغادرة ؟
توجد اماكن لا تفوت زيارتها في الطريق من زيلاميسي الى انترلكن...مثلا متحف سواريفيسكي قبل لا توصل انسبروك..ومثل ما تفضل الاخ العزيز بيتر قرية هايدي ..وايضا توجد مدينة باد راقاز للاستجمام في الينابيع الساخنة.
مبدءيا لوزيرن يوم واحد
وانترلكن ثلاثة ايام (يوم لقمة اوروبا ويوم لزيرمات والبلاوسيه ويوم لمصنع الشوكولاتة والجبن مع نشاط اخر او نشاطين)
اذا كانت قمة اوروبا ماهي مناسبة معكم ..توجد قمة تتلس بالقرب من لوزيرن.
في انتظارك.

تسلم اخوي بيتر ماقصرت علي المعلومه الطيبه

بيض الله وجهك اخوي medo77 بقولك تخطيط رحلتي طبعا انا وخويي اول مره نروح لاوربا عموما والسفر يوم الاحد الفجر ان شاءالله علي فيينا بس ماراح نقعد فيها بنطلع علي طول كابرون ومن بعدها سالزبورغ ومن بعدها سيفيلد وبعدين ميلانو يوم واحد فقط وبعدها سويسرا ومن بعدها المانيا ميونخ لان عودتي من مطار ميونخ وبالنسبه للتحديد الايام في هذي المناطق ماعندي مشكله فيها ازيد يوم او انقص لاني مخلي حسبه الايام في كل منطقه علي حسب المناطق ان كانت تستاهل الجلوس الطويل ام لا وبالنسبه لمده السفر 16 يوم 15 ليله وفيه سؤال اذا ماعليك امر سمعت ان تاجير السياره من منطقه بجانب سالزبورغ افضل من تاجيرها من فيينا
والله يجزاك خير

يؤ يؤ يؤ ..انت لسه ما حجزت الفنادق؟؟.
اذا حجزت ممكن تقولي في اي المدن اخترت ؟؟
طيب توزيع الايام برضو لسه.؟
ما يصير أخوي الله يسلمك ..المفروض انك محدد كل ديرة كم بتقعد فيها.
يعني ليش تطلع على كابرون اول ما توصل فيينا ؟؟
وكيف راح تاخذ السيارة من من قرية فريلايزنج الالمانية القريبة من سالزبورغ ؟؟
وكيف راح تكون طريقة تنقلاتكم ؟؟
والمخطط هل رتبته في خرائط قوقل وشفت كيف المسار ..؟؟ >>> ترى مساركم على المخطط فوق مرة ملخبط
ميلان ضرورية في الرحلة ؟؟؟؟؟؟ والا ممكن نطيرها-------------
اخوي الله يسلمك شوف هذا التخطيط ممكن يناسبك:
فيينا يوم واحد
سالزبورغ يومين
كابرون خمسة ايام
انترلكن أربعة ايام
سيفيلد يوم
ميونخ يومين
ممكن نلغي يوم فيينا ونضيفه على كابرون ...يعني تطلع على سالزبورغ على طول.
الفكرة من اخذ السيارة من جانب سالزبورغ ..من قرية فريلايزنج الالمانية ..لتفادي ضريبة استلام السيارة والتسليم في دول مختلفة.
يعني ما دام بتسلمها في ميونخ ..خذها من هذه القرية.
على فكرة من شروط استئجار السيارة :
الاستئجار عن طريق الانترنت لضمان وجود سيارة.
بطاقة فيزا محفورة الارقام والاسم.
الرخصة المحلية الجديدة + الرخصة الدولية.
على فكرة ..هل معاك قارمن ولا لأ؟؟؟؟؟؟؟
في انتظارك

اشكرك جزيل الشكر يا اخ medo77 لتفاعلك السريع معي ،،بالنسبه للحجز نهائيا ماحجزت ولا فندق وبالنسبه لتوزيع الايام مخليها علي حسب متي ماملينا غيرنا المكان اما بالنسبه لميلان عادي ماهي ظروريه نطيرها مافيه مشكله ، وكنت بطلع علي كابرون لاني سمعت ان فيينا ماهي ذاك الزود . وبالنسبه للسياره حجزت من مطار فيينا حجز بالاسم فقط من غير رسوم او حجز علي مبلغ لاني قلت بشوف اذا حصلت سيارات زينه واسعار ممتازه خذيت ماحصلت طلعت علي سالزبورغ وخذيت من القريه الالمانيه اما بالنسبه للخطه فأتوقع اني ملخبط الامور علي الاخر ، وبالنسبه للفيزا معانا فيزه ومعانا ليسن دولي انا وصاحبي ومعانا قارمن وفيه خرايط حديثه وخذيت بعض الاحداثيات من المنتدي لاكن ملخبطه ، وقت الوصول مو شرط علي كابرون لا عادي انا ادور الاحسن فالاحسن ماعندنا مشكله وادري طولتها عليك اسمحلي لاكن ياليت تضبط لنا جدول الرحله من وين نبدا الانطلاق والي وين ننتهي مع ترشيح الفنادق الي تناسبنا في كل منطقه وترشيح افضل الاماكن الي تستاهل نروح لها ومانضيع وقتنا في اماكن ماتستحق الزياره وياليت تفيدني افضل اخذ سياره من فيينا ولا اروح القريه الالمانيه واخذ منها .. بس الي متخوف منه اني اروح اضرب طريق واخر شي ماحصل ولا سياره لاني بحثت علي اسم القريه في شركه سكست ويروبكار وماحصلت سيارات في نفس التاريخ ، وتراريخ الذهاب 26 بعد بكره بأذن الله الفجر وراح اوصل مطار فيينا علي الساعه 2 الظهر ان شاء الله . والله يجعلها في ميزان حسناتك اللف شكر لك