السلام عليكم
انا قدمت مرتين على الفيزة الدراسية بالسفارة المريكية بالكويت (انا طالع على حسابي الشخصي ) اول مرة انرفضت : كانت بداية المقابلة حلوة وسهلة بعدين لما الموظف شاف كشف الحساب وقالي هذا المبلغ من وين جاي .. انا جاوبت هذا قرض من البنك بعدين صار يطقطق بالكمبيوتر وبعدين قالي اسف ما اقدر فيزا .. والمرة الثانية : انا جبت نفس كشف الحساب وبعد جبت معاه كشفين حساب لعمامي وصارت نفس المشكلة أول المقابلة كلها ضحك ووناسة بس لما شافت كشف الحساب ثلاثة صارت تطقطق بالكمبيوتر وتركت كل الاوراق وصارت تقرأ اوراق كشف الحساب وتدخلهم بالكمبيوتر ما ادري ليش يمكن عندها برنامج يحسب الجدوى الاقتصادية حقي وبعدين قالتلي اسف ما اقدر اعطيك فيزا وضعك ما يسمح ( because of your situations ) هذي الجملة اللي قالتها مع العلم ان كل الكشوفات اللي جبتهم فيهم مبلغ يغطي تكاليف الدراسة فقط ..
واحب اسمع رأيكم بالموضوع واستفيد من خبرتكم لأني بقدم مرة ثالثة