وعليكم السلام ورحمة الله وبركاته
عندك 15 يوم 14 ليلة صح
3 ليالي سالزبورغ
6 ليالي زيلامسي ( السكن كابرون بما معاك سيارة )
قارمش ليلتين
ميونيخ 3 ليالي
هذا الجدول كل منطقة تبعد عن الثانية ساعة و ساعتين ونص
بالسيارة
والسفرة 25 يونيو _ العودة 7 يوليو
صح ؟
وكم عدد الأشخاص

هلا اختي والله يجزاك 1000 خير
1- المده 15 ليله 16 يوم
2-بقترح برنامج وشرايك فيه (الوصول الساعه730 الصباح لميونيخ ع طول استاجر سياره واطلع ع زيلامسي بالسيارة لمده4 ايام ثم سالزبورغ 4 ايام واسلم السياره بمدينه المانيه جنب سالزبورغ واخذ قطار ع فينا 3 ايام (اذا هي تسوا) وبعدها لميونيخ 4 ايام بالقطاروازور قارمش يوم وارجع من ميونيخ
3- افضل الاماكن للفنادق في زيلامسي او كابرون
4- بالنسبه لسالزبورغ السكن بمندسي بيت خاص (رايك)
5- العدد 2 مع طفل عمره 2 و8شهورعادي اروح للقمه كابرون مع الطفل او بيتعبه الجو
شكرا

عندك ماشاءالله 15 ليلة
ومثل ماتفضلت من مطار ميونيخ إلى زيلامسي 5 ليالي
سالزبورغ 3 ليالي يكفيها الافضل تسكن سالزبورغ لانها مدينة وفيها حياة والبحيرات هادئة ولا فيها حياة من الساعة 7 والخيار لك اليوم الاول مزرات سالزبورغ وليلتين زيارة البحيرات والقطار البخاري
فيينا 3 ليالي مارحتلها بس يمدحونها
4 ليالي ميونيخ منها ليلة لقارمش
والقمة الثلجية تصلح للاطفال وتكتفي بالمرحلتين بدون الثالثة إلي تصعدها بتلفريك مفتوح لشخصين كبار وطفل
ولي عودة للفنادق

هدوء العالم
ولي عودة للفنادق من الموبايل
و عليكم السلام
هذا البرنامج رائع جدا و بما انك راح توصل النمسا فلابد من زيارة فيينا مثل ما قالوا ( ليالي الانس في فيينا ) و الجدول اللي وضعته اختنا هدوء العالم ممتاز و بالنسبه للسكن فالافضل و الاروع كابرون و القمه تصلح للاطفال و ان شاء الله ابنك بيكون له نصيب بالاستمتاع بالثلج لانه ما شاء الله عليه قريب يكمل 3 سنوات و بتكون له ذكرى جميله يوم يكبر باذن الله
بالتوفيق

شكرا جزيلا وربي لايحرمكم الاجر والله انكم اسعدتوني بحرصكم ورايكم

وهذي الخيارات المتوفره في كابرون
من 25 يونيو إلى 30 يونيو 5 ليالي
https://www.booking.com/hotel/at/active-by-leitner-s.html?aid=1300939
ويشمل بطاقة زيلامسي وكابرون المجانية
وسعره 5 ليالي 4121 شامل وجبتين
https://www.booking.com/hotel/at/tauern-spa-zell-am-see-kaprun.html?aid=1300939
سعره غالي ولا يوفر بطاقة زيلامسي وكابرون المجانية
0ريال شامل وجبتين
https://www.booking.com/hotel/at/panorama-kaprun.ar.html?aid=1300939
يقدم بطاقة زيلامسي و كابرون المجانية
وسعر 5 ليالي 2957 ريال شامل الافطار
https://www.booking.com/hotel/at/tauernhof.ar.html?aid=1300939
يقدم بطاقة زيلامسي وكابرون المجانية
وسعر 5 ليالي 3394 شامل وجبتين
https://www.booking.com/hotel/at/verwohnhotelvotersspo.ar.html?aid=1300939
يشمل بطاقة زيلامسي وكابرون المجانية
وسعر 5 ليالي 3151 ريال شامل الأفطار
وفي خيارات بعد بكابرون
وخيارات زيلامسي
https://www.booking.com/hotel/at/grand-zell-am-see.ar.html?aid=1300939
فندق جراند هوتيل المشهور
بس ناس تمدحه وناس تذمه بسبب أزعاج رواد البحيرة
وننصح دام معاكم سيارة السكن في كابرون الأفضل
مايوفر بطاقة زيلامسي وكابرون المجانية
وسعر 5 ليالي غالي ولا يستااهل وغير قابل لأسترداد 7661 ريال
https://www.booking.com/hotel/at/seehotel-seevilla-freiberg.ar.html?aid=1300939
سي فيلا سكنته لأنه كنا نستخدم الباصات
وبتاريخ سفركم مو متوفر كان ممتاز وبشاطئ خاص لنزلاء الفندق بس فيه عيب واحد الحمام وأنتم بكرامة بابه سحب وقسمين
ويوفر بطاقة زيلامسي وكابرون المجانية
الأفضل دام معاكم ماشاءالله سيارة كابرون بلا منازع
وتقرأ الأراء في بوكينق وتطالع الصور وإلي ترتاح له
سالزبورغ
0يونيو _ 3 يوليو
فندق رامادا
تم تجربته وممتاز ولا عليه كلام
https://www.booking.com/hotel/at/ramada-salzburg-city-centre.ar.html?aid=1300939
وسعر 3 ليالي شامل الأفطار 1537 ريال
وموقف السيارة متوفر واليوم في 8 يورو
فندق شيراتون
https://www.booking.com/hotel/at/sheratonsalzburg.ar.html?aid=1300939
سعر 3 ليالي 2909 ريال
وموقف السيارة متوفر والليلة 17,5 يورو باليوم
فندق زاخر
https://www.booking.com/hotel/at/hotelsachersalzburg.ar.html?aid=1300939
غالي وسعر 3 ليالي 4771 ريال
وموقف السيارة في مبنى قريب واليوم في 29 يورو
كراون بلازا
https://www.booking.com/hotel/at/crowneplazapittersalzburg.ar.html?aid=1300939
سعر 3 ليالي 1852
يتوفر موقف سيارة واليوم في 18 يورو
هذي خيارات سالزبورغ المعروفة عند الخليجيين وفيهم تكييف
فيينا
3 يوليو _ 6 يوليو
ونتركها لخبراء فيينا إن شاءالله يفيدون
ميونيخ
6 يوليو _ 10 يوليو
بصراحة ماعندي علم فيها إلا فندقين ومقابلين بعض
ويبعدون 5 دقائق عن ساحة مارين بلاتز للتسوق وشارع الماركات
فندق ميرديان
وتم تجربته وممتاز
https://www.booking.com/hotel/de/le-meridien-munich.ar.html?aid=1300939
سعر 3 ليالي
3ريال
وبكل تأكيد دام سعره في بوكينق أغلى من سعر
فندق سوفتيل الخيار الممتاز سوفتيل
وهذا الفندق المقابل لفندقنا الفندق المفضل عند مشرفنا بوعمر مشرف النمسا والمانيا
https://www.booking.com/hotel/de/bayerpost.ar.html?aid=1300939
سعر 4 ليالي 4558 ريال
0يوليو
العودة للوطن
وإن شاءالله تتوفق بأختيار الفنادق المناسبة
بالتاريخ المضبوط مع السفر والعودة
ويفيدون الخبراء
ورحلة موفقة بإذن الله

الله يوفقك ويرزقك من واسع فضله
اضبط حجوزاتي وارجع