جنب النافذه
28-04-2022 - 06:35 am
رحنا للسفارة في وقت مبكر جداً وياريت ما رحنا بعد انتظار ساعه طلع واحد من السفاره وقال اليوم مانقدر نستقبلكم بسبب وجود البرزدنت بوش قلن ياخوي حنا الملك مات عندنا ماخذنا اجازه وانتم عشان جاء تعطلون الناس والله مشكلة بصراحه انا توي اعرف بان السعودين عملين اكثر من الامريكان
ولكن عطونا ورقه خضراء قالو ممكن تجون بكره ونستقبلكم بس مادري عن بكره هذي حاس انه في مرمطه اكثر
انا داري ان الرئيس الامريكي بيجي في يوم 18 / مايو بس هو جاء بدري وكنت حاس ان جيته بتخرب موعدي وحصل الي كنت خايف منه لكن الحمدالله على كل شي
بصراحه تعتب مع هذي الاجراءت رايح اسوي سياحه بس شكلهم بسيحوني قبل ماروح يالله نشوف ويش اخرتها مع اني بدية احس اني تمرمطة كثير معهم ماصارت سياحه هذي كانك قاعد تحضر لعرس احد بناتك موعد عشان تفصيل فستان تحجز قصر الافراح تواعد فرقة الطقاقات يجون في اليوم الفلاني وهكذا :112:
واخر شي العريس يمرض ويدخل المستشفى يسوي عملية المصران الاعور ويتاجل العرس وتسوي موعد ثاني عشان العرس وماغير طردي وراء المواعيد حقتهم بين السفارة والحجز والفنادق وغيرها والوقت ايضاً كل شي ضدك
وصدقني اكيد خيرة .. باذن الله امورك تضبط معهم بكرو ويعطوك الفيزة بسرعه ..
تحياتي