نشر في البحرين

الذ حلوى في البحرين وين

honeyMooner

13-09-2022 - 11:22 pm

السلام عليكم يا اهل الحلوى اللذيذة
ان شاءالله الاسبوع القادم بزور البحرين تقريبا عشان الحلوى
فاحتاج معرفة اسم و مكان افضل حلوى موجودة اللي سمعته انه حسين شويطر هي الافضل
و اذا ما عليكم امر احتاج اما الوصف من اول ما ادش البحرين من الخبر او المنطقة و الشارع عشان احطه بالنافقيتر
و مشكورين وايد

التعليقات (9)

الغالـــية

14-09-2022 - 02:39 am

أهلا وسهلا فيك أخوي في البحرين ... وحيا الله أهل الكويت ..
ألذ حلوى في البحرين تلاقيها في المحرق ... حسين شويطر ... جاسم شويطر هم أشهر اثنين وتلاقيهم جنب بعض .. وتلقى عندهم كل أنواع الحلوى ...
والعنوان: مبنى 287 .. طريق 53 .. مجمع 215 .. المحرق ...
وحياكم الله ...

كويتيه30

14-09-2022 - 03:40 am

بويوسف في جيان تحت او السيف

أم دليم

14-09-2022 - 04:41 am

عندك حلوى المروج او مروج المحرق بعد وايد وايد لذيذه, وعن العنوان تكتب في النافقيتر اول المجمع 215 وبعدين مسافه وبعدها الطريق 53 ولا تكتب رقم المبنى لأنك ماراح تشوفه في النافقيتر , وعلى فكره ترى حلوى المروج وشويطر على نفس الشارع مقابلين بعض , وتقدر تتذوق واللي يعجبك اكثر خذ من عنده واذا تبي وصف من الجسر الى محلات الحلوى نحن في الخدمه والسلام .

honeyMooner

14-09-2022 - 05:42 am

ما اتقصرون انا بسوي برنت حق اللي كتبتوه و اروح المحرق و اكيد السيف ان شاءالله ... والله يعطيكم الف عافية و يارب تاكلون من حلوى الجنة

Discover Bahrain

14-09-2022 - 06:43 am

أخوي محلات حلويات شويطر يمكن 4 محلات بس عند مدخل سوق المحرق ..
سوق المدخل تدخل له أول لفه يمين بعد عبور جسر الشيخ حمد ( الجسر اللي عليه منتجع الدانة نوفيتيل ) ..
ويا هلا فيك ..

أخو بدوى

14-09-2022 - 07:44 am

مثل ما قالت لك الغالية حسين شويطر اللي بالمحرق

honeyMooner

14-09-2022 - 08:45 am

ان شاءالله اروح له الاسبوع الياي و استمتع باكل حلوتكم
يعطيكم الف عافية اخوي البدوي و بحريني غير و ام دليم و الغالية و بنت ديرتي كويتيه30

فهد الأحمد

14-09-2022 - 09:46 am

من تجربة جاسم شويطر هو الافضل وبعده حسين شويطر

honeyMooner

14-09-2022 - 10:47 am

يقولون كلهم يم بعض فانا بذوقهم كلهم و بعدين نشتري حقنا و حق الاهل و مشكور اخوي فهد على المساعدة في الاختيار

البحرين المسافرون العرب

الذ حلوى في البحرين وين