أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
لو تكرمتوا يا اخوان حبيت اسال عن جامعه كارديف وعن نفس المدينه
كيف الغلا فيها وامور المعيشه والسكن والجو والحيااه بشكل عام فيها
لقيت فيها تخصص مناسب .. واحاول اجيب القبول
معقوله مافي حد يرد!
حدتت التخصص وهو موجود فيها
بس ما ادري كيف القبول فيها من عنده عنده خلفيه ؟
ايضا معاهد اللغه من عنده خبره وتيصحني بدراسه اللغه بواحد معين؟
عن الطقس كيف بهالمدينه؟
وعن الطبيعه هل بها طبيعه خلابه؟
هل هي بشكل عام ممتازه للدارسه ؟
انا ضايع
وعليكم السلام ورحمة الله وبركاته
الغالي ..
مالك إلا الله ثم الدكتور صالح ..
وان شاءالله ماراح ايقصر معك وخصوصاً أنه من خيرة الشباب في المنتدى ولاأيهونون الباقين ..
ممكن اسالك عزيزي ليش اخترت كاردف بالذات ؟
في جامعات ماشاء الله في بريطانيا مثلا نيوكاسل مدينه راح تعجبك
من ناحية الطبيعه تقريبا كل المدن البريطانيه طبيعتها خلابه وكاردف وحده من المدن الجميله
اعرف جامعة glamorgen قريبه من كاردف حوالي 12 ميل تبعد وهي جامعه شهيره بس اذا كنت تحب حياة المدينه تقدر تختار جامعة كاردف
مع تمنياتي لك بالتوفيق
جامعة قوية وبلد ممتاز باختصار
اقوي جامعات بريطانيا
كنج كوليج .......مانشستير ...........شيفيليد....كامبردج......اكسفورد
مو بالترتيب بس بشكل عام وخاصة مانشتسير واخر اثنتين
ولاحظ بكل مدينة يكون جامعتين او 3 وحدة قوية والباقي خرابيط
اخوي لان التخصص جدا مناسب لي ولقيته فيها ليه وش تشوف سلبيات كاردف ترا ماعندي فكره عنها الا قليل نورناا بخبرتك يالغالي وحنا بحاجتك اخي كاردف هي عاصمة مقاطعه ويلز ويوجد بها ثلاث جامعات هي جامعه كاردف العريقة وجامعه قلامورقن وهي تبعد عن السنتر حوالي 20 دقيقة وكذلك جامعه يويك وبها عدد قليل من معاهد اللغه يوجد بها ناد ومدرسة سعودية وجاليه عربية وكذلك سعودية كبيرة يوجد بها مساجد حوالي العشرة ومركز المنار هو القريب من جامعه كاردف يوجد محلات تبيع الاكل واللحوم الحلال بكثرة مطاعم عربية في شارع السني رود بالاضافة الى وجود مستودع كبير جدا لبيع الاغذية والاطعمة الحلال ويسمى كاشنكري على طريق بينارث رود
كذلك يوجد مدارس اسلامية عربية
السكن يوجد مجمعات سكنية جديده قريبة من السنتر تتكون من غرفتين نوم وملاحقها تتراوح من 750 الى 900 حسب حجم الغرف اما البيوت فهي تبعد عن السنتر حوالي عشرون دقيقة بالسيارة ويتواجد الجالية الخليجية في حي البنتوين وحي البتبروناي بكثرة وتتراوح الاسعار من 650 الى 800 باوند وهي ثلاث غرف نوم وملاحقها بالنسبة للامكاكن السياحية يوجد كاردف بي مجمع مطاعم ومقاهي على البحيرة كذلك مبنى قلعه كاردف ملعب الالفية وصاله العلوم وصاله ريد دراجون للالعاب وبحيرة كاردف ومتحف كاردف بها شارع اسمه كوين استريت للتسوق وبه سوق مغلق وهناك توسعه كبيرة للشوبينق سنتر على مدى ثلاث سنوات اخي لا تتردد اذا هناك اي اسئله
