هلا
بخصوص كلية هندسة الاطفاء هي قريبة جدا من المطار
اما السكن الايجار تبدا من 150 ريال الى 300 ريال عماني و فوق حسب المنطقة و ارشح بقوة منطقة ( الغبرة الجنوبية - الغبرة الشمالية - العذيبة ) لأنها قريبة ...
اما المواصلات و الاكل ( مثل باقي الخليج ) ما في فرق على ما اعتقد ....... بخصوص المواصلات يفضل يكون عندك سيارة خاصة ....
الاماكن السياحية في مسقط كثيرة عندك:
سيتي سنتر القرم - منطقة القرم التجاري ( سابكو و العريمي )
سيتي سنتر الموالح - مركز البهجة
مركز الماسة للبولينج - سينما الشاطيء - بريق الشاطي ( مطاعم و كوفي شوب )- الواحة عند الانتر كونتيننتال شارع مليان كوفي شوب و مطاعم و جلسات - شارع الحب شارع مليان كوفي شوب و مطاعم و جلسات ( كاها جنب بعض و قريبة من شاطيء البحر )
مدينة السلطان قابوس جلسات على الطبيعة من مطاعم و كوفي شوب
سوق و كورنيش مطرح
اقامة سعيدة ان شاء الله اي استفسار انا حاضرة
تحياتي

بخصوص الايجارات ... عندك فالخوض والحيل غرف ب 60 ريال عماني لكن شوي ابعد يعني يبيلك15- 20 دقيقة تقريبا ليما توصل للكلية
ايضا بامكانك المشاركة في شقة مع طلبة جامعة السلطان قابوس اللي ساكنين بالخوض يعني يمكن تساهم ب 30 ريال فقط واذا حبيت هالفكرة راح نشوف لك شباب من الجامعه يضموك معهم
وانصحك بهذا الشي لانهم طلبه مثلك وراح تحضر معهم بعض الفعاليات في الجامعه
بخصوص الاماكن السياحية لا تهتم من اول يوم راح يخبرونك الشباب او اي شخص تلتقي فيه ومسقط سهلة ما تغيب
موفق في دراستك ان شاء الله

مشكورين وماقصرت بس اذا ممكن تعطوني ارقام مكاتب اجار او اصحاب الشقق
للمعلومه ابيغي شقه الى ثلاثه طلاب الاني معاي اثنين من اصحابي

hassan1352
اعتقد المنتدى ما تسمح بذكر ارقام المكاتب و اصحاب الشقق......
ممكن تشوف مع الاخ العضو الدوحاني 111 الي رد عليك سابقا اكيد يعرف بهالأموور مثل ما ذكر سابقا في ايميلة الخاص ......
سوري الدوحاني 111
تحياتي