USA Lover
18-03-2022 - 03:46 pm
السلام عليكم ورحمه الله وبركاته ..
بمشيئه الله وقدرته تخرجي من الثنويه قرب ان شاء الله .. انا ناوي اخذ استراحه سنه كامله
بعد ما اتخرج , اروح فيها لبريطانيا لتقويه لغتي وان شاء الله ربعدها بروح امريكا وادرس دراستي
الجامعيه ان شاء الله ..
الصراحه في وايد ولايات نصحوني فيها لدراسه القانون ( المحاماه ) لكن محتار اي ولايه اروح
ان شاء الله .. فهل لكم ان تنصحوني بأي ولايه تكون مميزه وآمنه وشكرا لكم .
ما شاء الله .. بالتوفيق أخوي ..
بالنسبه لفكرة اللغه قبل البدأ في الدراسه هذا شي ضروري في الجامعات الامريكيه ..
لكن ..
أنت بتدرس في بريطانيا لغه وبعدها بتروح لأمريكا ...
ما تقدر تدخل الجامعه إلا في حالتين ..
أما أنك تكون حاصل على التوفل اللي تقبله جميع جامعات أمريكا ..
أو أنك مجبور تدرس لغه من جديد .. لان كثير من الجامعات الامريكيه ..
تسمح لك بدخول الجامعه بعد أنهاء متطلب اللغه في المعهد التابع لها ( إذا ما كان عندك توفل ) ..
نصيحتي لك ..
إذا كنت جاد في فكرتك .. أنك تخلي موضوع دراسه اللغه + الجامعه في أمريكا ( خذها بإختصار ) ...
على فكرة ترى اللهجه البريطانيه تختلف عن اللهجه الامريكيه ( الاكسنت ) ..
وبرضو فيه بعض الكلمات مختلفه .. بس إن شاء الله ما راح تشكل عائق ..
لكن أختصر الموضوع وخل كل دراستك في أمريكا ( لغه + جامعه )
وأحب اضيف أن أقوى تخصصين في أمريكا ( عند الامريكان ) هم :
القانون و الطب .. وهذا الكلام أنقله من زميل أمريكي ..
وبالتوفيق ...