Up
مع الشكر لمن يتكرم بالاجابه

مساء الود
ممكن اسألك عن لغتك الانجليزيه كيف ..؟
وبعدها ابجاوب على كل اسئلتك ان شاء الله ..
دمت بود

أخيراً لقيت احد ميوله نفس ميولي ويبغى يدرس في فرنسا..
إيوة يايوسف قول ماعندك عشان استفيد أنا بعد بس صحيح إيش دخل الإنجلش بالفرنسي.. أحس شتان بينهما
3 - هل هناك طلبه سعوديون و ما هو مستوى الدراسه في فرنسا مقارنه بأوربا و امريكا الشماليه ؟
أنا اعرف صاحبتي تدرس في أنجيه.. وحالياً تفكر تنقل للسربون أو أي جامعة ثانية في باريس.. مع إن تكلفة المعيشة في باريس اغلى بكثير.. وتعبت على بال مالقت شقة سعرها مناسب..
وأعرف قريبتها تدرس اقتصاد في باريس وتدرس لغة حالياً في معهد قبل السنة الأولى الجامعية.. بس نسيت اسم جامعتهاا بس اللي اعرفه انها تدرس لغة في تور
ورحت قبل شهرين الملحقية الثقافية السعودية في باريس عشان استفيد بس ماحسيت افادوني أو يمكن ماكان عندي وقت كافي بس ان شاء الله قريباً برتب أموري
إلا على فكرة سلطان ايش ناوي تدرس ؟

الاخ / يوسف . .
لغتي الانجليزيه فوق المتوسط
اتمنى انك تفي بوعدك
و تفيدنا في باقي الاسئلة . .
الاخت / ميمي
الشعور متبادل
و اخيرآ لقيت فيه واحد له رغبه بالتوجه لفرنسا
مع العلم اني لم اجد اي موقع في الانترنت او ملتقى للطلبه السعوديين في فرنسا
وجدت مواضيع و مواقع لطلبه سعوديين في الصين و كوريا الجنوبيه و اليابان و ماليزيا و لم اجد اي شيء للطلبه السعوديين في فرنسا !!
أشكر لك افادتك و مشاركتك . . بس ياليتك عطيتينا فكرة عن التكلفه في باريس و خارج باريس
و ما رأيك بالمكافأه 1300 يورو هل تفي بالغرض ؟ ام كم نحتاج ان نضيف اليها !
مع العلم اني لوحدي في حال سفري على الاقل مبدئيآ ! بمعنى السكن على شخص واحد !
و بالنسبه للدراسة فهي طب في تخصص الانف و الاذن و الحنجرة . .
شكرآ لتواجدك مرة أخرى . .

المكافأة بالنسبة للبنات حلوة تدري ليش .. لأن يعطوننا زيها حق المحرم يعني بنستفيد منها.. أما 1300 يورو بروحك هذي يادوب تكفي اجار الشقة.. هذا لو كنت ساكن بروحك اما لو حصلتلك من تسكن معه فالموضوع اسهل.. وبكل الأحوال الستة شهور الأولى راح تكون ساكن مع عائلة يعني يمديك خلال هالفترة ترتب وضعك.. بس نسبياً المكافأة معقولة بس مو معناتها انها تكفيك .. راح تضيف عليها اللي يمشيك..
من ناحية ملتقى الطلاب في منتدى مبتعث.. تلقى في قسم بوابة فرنسا طلاب يدرسون في فرنسا وأغلبهم يدرسون طب واعرف واحد منهم أفادني بكم معلومة حلوة يدرس طب في مدينة غويان وتقدر تروح الملقتى.. مرة راح تستفيد لأن اغلب الي فيه يدرسون طب .. بس ماقدر احط الرابط هنا ممنوع..
واتمنى احد يجي الموضوع هنا ويزيدنا معلومات لأننا برضوا نبي نستفيد زيك.. بالتوفيق

1. اللي اعرفه ان عندهم امتحان صعب مره ومعقد ..


2. لكن اذا ماتبي تخش هالامتحان عندهم دبلوم محادثه وكتابه

سلطان الحميدي
مساء الود
طبعا افضل انك تدرس اللغه الفرنسيه خارج باريس مثل تور ولا ليون ولا غيرها
وطبعا تقريبا اقوى جامعه السربون
وهيدا الرابط حقهم
http://www.paris4.sorbonne.fr/fr
وهيدا رابط اللغه في الجامعه
http://www.ccfs-sorbonne.fr/index.php
واللي اعرفه ان التسجيل لدراسه اللغه سهل مره في الجامعه
مايحتاجون الا صوره الجواز
وشهاده اخر سنتين وتدفع رسوم التسجيل وتسجل
لكن
رسوم التسجيل مو رخيصه
وفيه اوقات خاصه للتسجيل
ومستوى رقم 1 عندهم مره عالي يعني يبي لغه جيده مو اي كلام
هذا بالنسبه لقبول اللغه
بالنسبه للماستر

اللي اعرفه ان عندهم امتحان صعب مره ومعقد ..

لكن اذا ماتبي تخش هالامتحان عندهم دبلوم محادثه وكتابه

زي امتحان التوفل والآيلس تدفع رسوم الامتحان وتجي للامتحان وفيه عندهم كتب تعلمك كيف طريقة الامتحان ويعلمك كيف الاسلوب ونمط الاسئله وهالحركات .. طبعا الامتحان خارج الجامعه .. واذا عديته يعفيك من امتحان الجامعه ..
واللي اعرفه ان الجامعه معقده شوي صح مو صعبه مره لكن معقده شوي وكرف دراسه
واغلب شي تطبيق ما كو محادثه بشكل كبير ...
معلومات المعيشه طبعا في باريس المعيشه غاليه لكن خارج باريس لا الوضع عادي لكن مو رخيص مره
والمكافاه في باريس ماراح توفي معك لان الايجار غالي شوي لكن ممكن تزودها شوي وتحاول ترتب وضعك
لكن خارج باريس اعتقد تكفيك وانت وطريقة معيشتك ..
طبعا السربون كانت دراستها قويه لكن الان قلت شوي لكن لازالت سمعتها قويه مره وتعتبر اقوى جامعه في فرنسا ..
لكن انت ليش تبي تدرس باللغه الفرنسيه ...؟ لغتك الفرنسيه حلوه ولا صفر ..!
لان مشكله اللغه الفرنسيه انها ماراح تفيدك الافي فرنسا يعني مو مثل الانقلش تسخدمها في كل مكان صح لغه حلووه مره ورايقه بس قلت لك المشكله ..
وفيه طلبه وطالبات سعوديين في جامعات باريس ..لكن مو بالكثره اللي في بريطانيا او امريكا ..
اتمنى اني افدتك ببعض الشي ..
واي استفسار حاضر
دمت بالف ود

Memi
مساء الود
وش دخل الانجلش بالفرنسي ..؟
اذا لغتك الانجليزيه ضعيفه ولا مو حلوه ليش تدرسين فرنسي الفرنسي ماراح يفيدك الا في فرنسا بس
صح لغتهم حلوه ورايقه بس اذا ما عندك انقلش لو تروحين لدبي بلشتي بعمرك والفرنسي ماراح يفيدك الا في فرنسا واعتقد جزيره بافريقيا .. لكن الانقلش في كل مكان ..
علشان هيك
وجهة نظري اذا كان الواحد يبي يدرس برا ولغته الانجليزيه ضعيفه ليش يروح يدرس فرنسي بالعكس الانقلش اعتقد افضل ويفيدك في كل مكان ... لكن اذا لغتك الانجليزيه تمام بالعكس ادرس فرنسي لغه حلوه مره ..
مجرد وجهة نظر
ودمتم بالف ود

^
^
آها ايوة كذا فهمت قصدك.. الحمدلله انا لغتي الانجلش قوية عشان كذا رحت للفرنسي..
وبالنسبة للامتحان حق اللغة اعتقد انك تقصد الدلف والدالف .. وإثنينهم تقدر تحضرلهم وتمتحنهم هنا في المركز السعودي الفرنسي.. الأولاني سهل ممكن يتعدى بس الثاني شوية صعب مستواه أعلى

يوسف . .
عودآ حميدآ
لما تقول ان المستوى الاول عالي وش تقصد بهالكلام
لازم اكون مأسس نفسي في اللغه اول او ان تعليمم مستواه عالي ؟
اما بخصوص تكاليف المعيشه اتمنى انك توضح اجابتك بمعنى لما تقول غاليه يعني كم يكفيك في الشهر ؟ وكم اسعار الشقق ؟ و ما هي المدن خارج باريس اللي فيها المكافأه كافية ؟
اما ناحية اللغة و بالانقلش افضل من الفرنسي ...الخ اتفق معك جزئيآ لكن تأكد ان التوجه لفرنسا تم بموازنة شديده و دراسة لكل دولة ممكن الابتعاث اليها . .
سؤال أخير سنه لغة تكفي ؟
الله يعطيك العافية
شاكر لك مرورك و افادتك جعلها الله في ميزان حسناتك ..
ميمي . .
عودآحميدآ
كم باعتقادك المصروف الشهري الكافي في باريس او في خارجها ؟
اشكرك على الموقع . .
و سؤالين اخيرين : :
سنه كافية لغه ؟
وش ناوية تتخصصين ؟
شاكرآ لمرورك مره جديده . .