أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
علاوي87
مرحبا علاوي
ماعرف شنو المعلومات اللي تسأل عنها بخصوص السكن هل هي الايجارات اوو شنوو ..؟
بالنسبه لمصاريف المعيشه عادية مثل باقي دول الخليج
على حسب مؤهلك الموجود معاك اعتقد ممكن تلقى فرص للعمل
وبالتوفيق واي خدمه احنا حاضرين
بنسبة لمعلومات عن السكن فمادري اذا اتعرف هشي ولا لا بس احنا الاجارات عندنا مرتفعه بشكل عام مع انها قاعدة اتقل حبه حبه وترجع لوضعها الطبيعي ان شاءالله بس بشكل عام تعتبر غالية جدا وخاصه انك طالب وهشي ينطبق على الفلل والشقق بس هناك على مااعتقد سكن لطلاب جامعة قطر انا مو اكيد بس الي سمعته وماعندي فكرة عن سعرهم اما اجارات الشقق فتبتدي من 4 الاف وتوصل 7 و10 بشهر على حسب الشقة ومستواها ونفس الشي الفلل تبتدي من 8 وتوصل 20 او 30 الف طبعا على حسب الفلا ومستواها وحجمها مصاريف المعيشة في الدوحه فهي بنسبة للخليج اغلى شي وتعتبر هي ودبي في المقدمة بنسبة للاسعار واذا انت من السعودية او البحرين او الكويت راح اتحس بفرق سوان بسعار المواصلات او المطاعم او السوق وهشي خلا معظم القطرين يتسوقون من السعودية بحكم هي اقرب شي وبكره اذا افتحو جسر البحرين وقطر بتشوفهم كلهم في البحرين اكيد تقدر اتحصل عمل بجانب الدراسة وممكن تشتغل في الصباح واتخلي محاظراتك العصر مثل معظم القطرين الي يشتغلون ويدرسون وممكن العكس لو في شغل مسائي وتدرس الصباح هشي انت اتنسقة مع المكان الي بتشتغل فيه بس لازم يكون عندك مأهلات لان القطرين يطولون لين مايحصلون لهم شغل ويشتغلون والموضوع ياخذ شهور فشلون اذا واحد مو قطري بس ممكن اتحصل شغل في القطاعات الخاصة مثل البنوك وممكن تشتغل في الفترة المسائية بفروعهم الي بلمجمعات وعندك الشركات بس اقل شي لازم يكون معك لغة واتعرف للكمبيوتر هاي كحد ادنى وممكن بعد تشتغل مندوب مبيعات بلمحلات الكبيرة مثل الماركات العالمي او تكون حتى مندوب للبنوك او لشركات يعني هاي بعظ الاشياء واتمنى الاعضاء يفيدونا بهشي والحين نجي للموضوع الاهم الي هو الدراسه بقطر هل في بالك جامعة معينه او مختار جامعه معينه او لا بنسبة لجامعة قطر ممكن تقبل بس اذا كانت عندك الشروط التالية وهي نسبتك فوق 70% وبعظ الاقسام فوق 75%
يكون عندك شهادة ايلس بمعدل 5.5 او يكون عندي شهادة توفل بمعدل 530
واذا ماعندك هشي تدخل تاسيسي والي هو لمدة سنتين قبل التخصص ولا تحسبلك فيه ولا ساعه وهو عبارة عن كورسات انجليزي ورياضيات وكمبيوتر وعليها امتحانات لازم تنجح فيهم وبعد ماتنجح ترجع وتمتحن توفل او ايلس يعني مو اذا نجحت في الكورسات خلاص لا لازم امتحانات التوفل او الايلس واتجيب الدرجة المطلوبه واذا مرت سنتين وانت ماجبت معدل الايلس او اتوفل خلاص يوقفون قيدك سنه او سنتين ثانية وبعدها تطرد من الجامعه ملاحظة جامعة مانشستر الي هي داخله ضمن احسن 50 جامعه بلعالم و3 جامعه ببريطانية قوانينها اسهل من جامعة قطر وعندك غيرها جامعات ثانية مثل الجامعه الهولندية وهي جامعه خاصة الكورس على ماذكر 20 الف وفيها قسمين وهي سياحه وفندقة او بزنس وعندك جامعة تكساس وهي فرع للجامعة الاصلية الي بامريكا وتطلب ايلس اتوقع 6 او 6.5 (جامعة اجنبية) وعندك جامعة فرجينيا وهي لتصميم وهندسة الديكزر واديزاين (جامعة اجنبية) وعندك جامعة ملبورن وهي للبزنس (جامعة اجنبية) وعندك كلية شمال الاطلنطي ودراستهم كلها بلنجليزي ودبلوم شهادتهم هاي الجامعة الي اعرفهم ومعظم الجامعات الاجنبية يروحون لها الطلاب على شكل بعث داخلية لان مصاريفها مكلف واسعارهم من 50 الف ريال وفوق من غير شروطها الصعبه نصيحه لك قبل لا تخطي اي خطوة تعال الدوحه واقعد لك كم يوم شوف الجامعات وخاطبهم بنفسك وشوف السكن والمعيشه وبعدها قرر وهلكلام ينطبق لاي دولة انت تبي تدرس فيها علشان ماتستعجل وانا بعطيك رابط موقع جامعة قطر وبعد رابط منتدى جامعة قطر ممكن بيفيدونك اهناك اكثر مني واتمنى لك التوفيق جامعة قطر http://www.qu.edu.qa/ منتدى جامعة قطر http://www.qataru.com/vb/ اتمنى اني ساعادتك على استفساراتك واحنا تحت امرك اخوي واي استفسار مايردك الا الكيبورد تحياتي
شكرا أخ حلوو ومدلع
كفيت ووفيت
وأقتراحاتك حلوه وراح ندرس فكرة إني
اروح كم يوم الدوحه أشوف الوضع والمعيشه
بس أغلب إللي سألته خبرني إنه الحياه مكلفه نوعاً ما
والوظايف أكثر شي لأصحاب الشهادات الجامعيه
مرحبا علاوي
ماعرف شنو المعلومات اللي تسأل عنها بخصوص السكن هل هي الايجارات اوو شنوو ..؟
بالنسبه لمصاريف المعيشه عادية مثل باقي دول الخليج
على حسب مؤهلك الموجود معاك اعتقد ممكن تلقى فرص للعمل
وبالتوفيق واي خدمه احنا حاضرين